बिहनिया ले लेके अब तक छत्तीसगढ़ म का का घटिस घटा, जानव मात्र 2 मीनट म एक Click म हो जावव अप टू डेट
🅾 भाजपा ह 4 राज्य म चुनाव प्रभारी करिस नियुक्त
भाजपा ह राजस्थान अउ MP समेत 4 राज्य म चुनाव प्रभारी के करिस घोषणा, प्रह्लाद जोशी ल राजस्थान, केंद्रीय मंत्री भूपेन्द्र यादव ल मध्यप्रदेश, ओपी माथुर ल छत्तीसगढ़ अउ प्रकाश जावड़ेकर ल तेलंगाना के सौंपे गईस जिम्मा.
🅾 हड़ताली कर्मचारी मन उपर सख्त होईस सरकार
छत्तीसगढ़ म शुक्रवार के सामूहिक अवकाश लेके हड़ताल म गए कर्मचारी मन उपर सरकार दिखाईस सख्ती, सामान्य प्रशासन विभाग के अवर सचिव ह प्रदर्शनकारी कर्मचारी मन उपर कार्रवाई के आदेश करिस जारी.
🅾 मंगला कना जमींदोज होईस बिल्डिंग
बिलासपुर मंगला चौक कना गिर गईस बिल्डिंग. बिल्डिंग तीर बनत रहिस नाला, घटना के बाद मौका म जमा होईस लोगन के भीड़, ए घटना ले लोगन म नगर निगम के खिलाफ हे भारी आक्रोश।
🅾 ट्रेन के चपेट म आए ले युवक के गईस जान
बालोद दल्लीराजहरा थाना क्षेत्र के कुसुमकसा कना अरमुरकसा गांव म ट्रेन के चपेट म आए ले एक युवक के होईस मौत, बतादन के प्रधानमंत्री ह रायपुर ले अंतागढ़ जाए बर शुक्रवार के ट्रेन ल दिखाए रहिस हरी झंडी,
🅾 कोरियर डिलीवरी ऑफिस म लाखों के चोरी
कोरियर डिलीवरी ऑफिस म होए चोरी मामला म आरोपी अविनाश यादव ल जांजगीर-चांपा पुलिस करिस गिरफ्तार, उहें 1 फरार आरोपी के तलाश हे जारी, आरोपी मन कोरियर कंपनी म 1 लाख ले जादा करे रहिन चोरी
🅾 बस्तर म डायरिया के कहर
बस्तर के तोकापाल ब्लॉक के सोसनपाल गांव म सप्ताहभर ले डायरिया बरपात हे कहर, एके गांव म 60 मरीज मिले ले स्वास्थ्य विभाग ह गांव के पंचायत भवन म अस्थायी कैंपस बनाके ग्रामीण मन के करत हे इलाज.
🅾 ऑपरेशन थिएटर म अचानक मरीज के मौत
बिलासपुर के मंगला चौक स्थित हॉस्पिटल म हाथ म लगे रॉड के ऑपरेशन कराए आए युवक के ऑपरेशन थिएटर म होईस मौत, परिजन अस्पताल म जमके हंगामा करत कहिस एनेस्थीसिया के हाई डोज देहे ले होए हे मौत.
🅾 महिला अपन 2 बेटी संग गिरफ्तार
सूरजपुर के महेशपुर म महिला ह अपन बेटी-बेटा संग मिलके पड़ोसी के लिहिस जान, पड़ोसी सुखलाल ह महिला उपर करे रहिस गलत टिप्पणी, गला म रॉड घुसाके बेरहमी ले करिस हत्या, आरोपी महिला अउ बेटी गिरफ्तार, बेटा हे फरार.
🅾 सावन म जमके बरसत हे बदरा
छत्तीसगढ़ म बारिश के दौर हे जारी, रायपुर म 6 सेंटीमीटर ले होए हे ज्यादा बारिश, मौसम विभाग के मुताबिक आज भी कई जघा म गरज-चमक के साथ तेज बारिश के हे आसार, कुछ जघा म वज्रताप के भे हे संभावना.
