सरपंच प्रत्याशी के घर म 12 सदस्य, मतगणना म नई मिलिस एको वोट, शुन्य सेती जमानत जब्त


सरपंच प्रत्याशी के घर म 12 सदस्य, मतगणना म नई मिलिस एको वोट, शुन्य सेती जमानत जब्त
  04/02/2020  


बिलासपुर।। पंचायत चुनाव के दौरान एक अनोखा मामला आघू आए हे जब सरपंच पद के प्रत्याशी ल मतगणना के दौरान एको मत प्राप्त नई होईस। ए प्रकार से ओला शून्य मत मानत हुए जमानत जप्त कर लेहे गईस, जबकि ओकर परिवार म ही 12 सदस्य हे । शारीरिक रूप से दिव्यांग प्रत्याशी रमेश ह मामला म दुख जतात हुए पीठासीन अधिकारी के प्रक्रिया के शिकायत अनुविभागीय अधिकारी SDM के साथ गौरेला थाना म घलोक करे हे । मामला मरवाही जनपद पंचायत क्षेत्र के पिपरिया ग्राम पंचायत के हे जिहां  सरपंच पद के प्रत्याशी रहे रमेश कुमार मरावी ल ट्यूबलाइट छाप के चुनाव चिन्ह आवंटित करे गए रहिस, रमेश भी चुनाव जीते के लालसा म हैंड बिल अऊ पंपलेट छपवा के अपन प्रचार घर-घर करिस, शारीरिक रूप से दिव्यांग रमेश ह मतदान अऊ मतगणना के दौरान बार-बार खड़े होए अऊ बईठे से बचने बर अपन एक एजेंट के नियुक्ति करे रहिस, मतदान के दौरान सब बढ़िया ठंग से चलत रहिस । फेर जब मतगणना के बेरा आईस त पीठासीन अधिकारी ह रमेश के प्रतिनिधि के बार-बार आपत्ति दर्ज कराए उपर आपत्ति करत हुए ओला मतगणना केंद्र से बाहिर करवा के दरवाजा बंद कर दिहि अऊ जब रिजल्ट आईस त रमेश के पैरों तले जमीन खिसक गईस मतगणना के बाद रमेश ल एक भी वोट प्राप्त नई होईस, ओकर वोट के संख्या शून्य 0 बताए गईस । रमेश के कहना हे कि माता-पिता भाई-बहिनी बहू अऊ पत्नी के संग मोर परिवार के सदस्य के संख्या ही 12 हे । यदि मैं मान लव कि माता-पिता के अलावा भाई बहिनी मन मोला वोट नई दिहिस होही पत्नी घलोक वोट नई दिहिस होही फेर मोर खुद के वोट कहां गये ?  का मैं अपन आप ल भी वोट नई करहुं ?


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top