फेर गिरही पानी, बाढ़ही जाड़


फेर गिरही पानी, बाढ़ही जाड़
  05/02/2020  


रायपुर ।। राजधानी सहित प्रदेश के कई इलाका म अवईया 48 घंटा म फेर पानी गिरे के मौसम विभाग ह अलर्ट जारी करे हे। राजधानी रायपुर के अलावा बिलासपुर अऊ दुर्ग क्षेत्र के कई हिस्सा म पानी गिरही जेकर चलत ठंड म घलोक बढ़ोत्तरी होही। प्रदेश के कई हिस्सा म कल होए बारिश के कारण बस्तर ल छोड़ के जम्मों प्रदेश म ठंड अचानक बढ़ गईस ।
प्रदेश म कई इलाका म पाछू 48 घंटा से घाम नई निकले हे। घना कोहरा के चलत जन जीवन अस्त-व्यस्त हो गए हे। ट्रेन अऊ हवाई यातायात बुरी तरह से प्रभावित होईस हे । रायपुर एयरपोर्ट म धुन के चलत आधा दर्जन फ्लाइट के लैंडिंग म दिक्कत आईस हे।
मौसम विभाग के मुताबिक उत्तर भारत म चलत  शीत लहरी के असर प्रदेश म भी देखे ल मिलत हे । लक्ष्यद्वीप अऊ मध्य मराठा के बीच ट्रफ लाइन के सेती उत्तर भारत के कई इलाका म बरफ गिरत हे । प्रदेश म बिलासपुर, रायपुर अऊ सरगुजा म अगला 48 घंटा रूक-रूककर बारिश के अनुमान हे । 5 फवरी के राज्य म बहुत ज्यादा बारिश के संभावना नई हे, लेकिन 6 फरवरी से एक अऊ पश्चिमी विक्षोभ के असर शुरू हो जाही । ए कारण 8 फरवरी तक फिर बदली-बारिश के हालात बने रईही ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top