भूपेश कैबिनेट के बड़का बैठक 8 फरवरी के, कर्मचारी शिक्षाकर्मी मन ल मिलही सौगात !


भूपेश कैबिनेट के बड़का बैठक 8 फरवरी के, कर्मचारी शिक्षाकर्मी मन ल मिलही सौगात !
  06/02/2020  


रायपुर ।। भूपेश कैबिनेट के बड़का बैठक 8 फरवरी के होही । संझा 5.30 बजे होवईया ये बैठक म तय होही कि भूपेश के बजट के पिटारा म का का होही। मुख्यमंत्री निवास म होवईय बजट के पहली ए अहम बैठक म बजट प्रस्ताव उपर मुहर लगाए जाही। ए बजट उपर सबसे ज्यादा नजर कर्मचारी अऊ शिक्षाकर्मी मन के हे, लिहाजा उंकर बर ये बजट काफी महत्वपूर्ण हे। हालांकि बजट के गोपनीयता ल देखत हुए प्रस्ताव उपर फैसला के जानकारी सार्वजनिक नई करे जाही ।

मुख्यमंत्री जम्मों विभाग के मंत्री मन से बारी-बारी से चर्चा कर चुके हे । विभाग कति ले जेन जेन प्रस्ताव देहे गए रहिस, कैबिनेट के बैठक म ए प्रस्ताव म से प्राथमिकता के आधार उपर प्रस्ताव ल बजट म शामिल करे जाए उपर चर्चा करे जाही । अईसे माने जात हे कि बजट कर्मचारी अऊ शिक्षाकर्मी मन बर अच्छा खबर ला सकत हे, हालांकि एला लेके अभी इंतजार करना होही।
कैबिनेट म धान खरीदी के तारीख बढ़ाए उपर चर्चा घलोक करे जाही। ए बछर लगातार मौसम म खराबी के चलत धान खरीदी म कई घांव व्यवधान आईस,कई जगह तकनीकी दिक्कत घलोक आईस, जेकर वजह से धान खरीदी प्रभावित होईस वही कई जगह लगातार धान खरीदी नई करे जाए के शिकायत घलोक आत रहीस, लिहाजा किसान मन के सुविधा ल ध्यान म रखत हुए खरीदी के तारीख बढ़ाये जा सकत हे।धान खरीदी ल लेके सरकार के अलग अलग मंत्री के अलग अलग बयान आघू आत हे अहु ल लेके चर्चा कर एक राय बनाए जा सकत हे ।

बैठक म बजट सत्र के तैयारी उपर घलोक चर्चा करे जाही। बजट सत्र के अधिसूचना जारी हो चुके हे, लिहाजा प्रश्न ल लेके भी विभाग ल तैयार रहे के संगे-संग मंत्री मन ल सवाल के सामना करे उपर चर्चा करे जाही ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top