जिला रोजगार कार्यालय म 12 फरवरी के प्लेसमेंट कैंप हे जेमा मंदिरा दुकान म काम करे बर 157 पद के भर्ती होही


जिला रोजगार कार्यालय म 12 फरवरी के प्लेसमेंट कैंप हे जेमा  मंदिरा दुकान म काम करे बर 157 पद के भर्ती होही
  02/10/2020  


रिपोर्टर- लिलेश्वर प्रसाद निषाद

बलौदाबाजार :-  10 फरवरी 2020/ जिले के देशी-विदेशी मंदिरा दुकान म विभिन्न पद बर कार्य करे बर जे इच्छुक युवा मन के भर्ती बर रोजगार कार्यालय द्वारा 12 फरवरी के प्लेसमेन्ट कैम्प के आयोजन करे जाथ हे। ये कैम्प जिला रोजगार कार्यालय परिसर म सवेरे 11 बजे ले लेके दोपहर 2 बजे तक चलेही। सुपरवाईजर, सेल्समेन, मल्टी वर्कर अव सेक्यूरिटी गार्ड बर लगभग 157 पद बर प्लेसमेन्ट एजेन्सी के माध्यम ले भर्ती करे जाही।  नियोजक कम्पनी अलर्ट कमाण्डो प्राईवेट लिमिटेड बैंगलोर अव सेक्यूरिटी एण्ड इंटेलीजेन्स सर्विसेस रायपुर के अंतर्गत चयनित लोगन मन ल काम करना होही। जिला रोजगार अधिकारी ह बताईस कि अलर्ट कमाण्डो प्राईवेट लिमिटेड के अंतर्गत 25 से 40 वर्ष के युवा मन ल  सुपरवाईजर, सेल्स मेन अव मल्टी वर्कर म  भर्ती करे जाही। ओ मन ल बलौदाबाजार जिला के अंतर्गत काम करना होही। ओ मन  बताईस कि येमे सुपरवाईजर के 36 पद, योग्यता बी काॅम, बीबीए अव पीजीडीसीए तथा वेतन 15 हजार 638 रूपया देये जाही। सेल्समेन के 75 पद बर  12 वीं पास अव वेतन 10 हजार 612 रूपया तथा मल्टी वर्कर के 36 पद बर  8वीं पास अव वेतन 8 हजार 438 रूपया देये जाही। सेक्यूरिटी एण्ड इंटेलिजेंस सर्विसेस रायपुर द्वारा सेक्यूरिटी गार्ड के 10 पद बर  योग्यता 8 वीं पास अव वेतन 8 हजार 438 रूपया देये जाही। आपराधिक पृष्ठभूमि अव छूआछत रोग ले ग्रसित व्यक्ति अव महिला उम्मीदवार कैम्प म हिस्सा नई ले सके। प्लेसमेन्ट कैम्प म भाग ले बर  इच्छुक व्यक्ति उपरोक्तानुसार निर्धारित तिथि अव स्थान म अपन समस्त प्रमाण पत्र, आधार कार्ड, परिचय पत्र-आईडी कार्ड अव दो ठन पासपोर्ट साईज के फोटो ल साथ म लेके उपस्थित हो सकथो । जिला रोजगार कार्यालय म स्वयं उपस्थित होके अथवा  दूरभाष नम्बर 07727-222143  म सम्पर्क कर सकत थो।


अऊ खबर

img not found

06/09/2020 अपराध

img not found

21/11/2019 धान

Top