नवनिर्वाचित सरपंच मन ह संभालीस कामकाज


नवनिर्वाचित सरपंच मन ह संभालीस कामकाज
  11/02/2020  


रिपोर्टर- लिलेश्वर प्रसाद निषाद

बलौदाबाजार :- 11 फरवरी 2020/आज जिला म नवनिर्वाचित पंचायत प्रतिनिधि मन  के प्रथम सम्मेंलन सम्पन्न होईस हे। ये प्रथम सम्मेंलन म पंचायत प्रतिनिधि मन शपथ ग्रहण कर आज ले ग्राम पंचायत के कामकाज संभालीस  हे।जिला के कुल 6 सौ चालीस ग्राम पंचायत म बड़े उत्साह के साथ पंचायत प्रतिनिधि मन शपथ ग्रहण करीस हे। ये कार्यक्रम म ना केवल पंचायत प्रतिनिधि बल्कि ग्राम पंचायत के निवासी मन उकर उत्साह वर्धन करीस हे। पूर्व पंचायत के कार्यकाल कली 10 फरवरी 2020 तक के रहीस हे जे कली मध्य रात्रि ले खत्म हो गे हे। आज ले अब नए पंचायत प्रतिनिधि अस्तित्व म आ गे हे। जेकर नेतृत्व म  ग्राम पंचायत के संचालन होही। आगामी 24 फरवरी के ग्राम पंचायत के उपसरपंच के चुनाव सम्पन्न होही।जेमे समस्त पंच मन अपन अपन मत मन के प्रयोग करही जेमा उपसरपंच के निर्वाचन करही। एकर बर जिला निर्वाचन कार्यालय द्वारा ग्राम पंचायत  मन बर पीठासीन अधिकारी नियुक्त कर ले गे हावे। नव निर्वाचित सबो पंचायत के पंच सरपंच ल बधाई देतें हुए जिला कलेक्टर कार्तिकेया गोयल ह कहीस सबो ग्राम पंचायत म मूलभूत विकास बर अधिक ले अधिक कार्य करो। जेमे हमर जिला के नाम हमेशा अग्रणी विकास कार्य करने वाला मन म शामिल रहाये।


अऊ खबर

img not found

06/09/2020 अपराध

img not found

21/11/2019 धान

Top