भारत सरकार के टीम ह करिश जिला अस्पताल के निरीक्षण....


भारत सरकार के टीम ह करिश जिला अस्पताल के निरीक्षण....
  15/02/2020  


रिपोर्टर-लिलेश्वर प्रसाद निषाद

बलौदाबाजार  :- 15 फरवरी 2020/ स्थानीय जिला अस्पताल   के सर्वोच्च चिकित्सीय कार्य मन बर क्वालिटी सर्टिफिकेट जारी करे बर भारत सरकार ले आईस हे विशेष टीम ह निरीक्षण कर मूल्यांकन करीस। टीम ह तीन दिन ले जिला अस्पताल म उपलब्ध स्वास्थ्य सुविधा अउ मरीज मन ल दे जात हे सेवा मन के  बारीकी ले आकलन करीस।  भारत सरकार के ऐ नेशनल क्वालिटी एसयूरेन्स सर्टिफ़िकेट टीम म डॉ ज्योटीमोन लँगवे शिलांग अउ श्रीमती जीना प्रदीप नई दिल्ली ले शामिल हे। राज्य सलाहकार क्वालिटी अस्योरेन्स टीम के डॉ रामकृष्ण पाण्डे अउ डॉ राजेश कुरील सहित सिविल सर्जन डॉ अभय सिंह परिहार के सहयोग अउ मार्गदर्शन म मूल्यांकन कार्य सम्पन्न होईस।

     सिविल सर्जन डॉ  अभय सिंह परिहार ह बताईस कि राज्य स्तर के मूल्यांकन टीम द्वारा पास घोषित करे के बाद केंद्रीय टीम ले भी जिला अस्पताल के मूल्यांकन करीस हे । ओ मन बताईस कि नेशनल क्वालिटी अस्सुरेंस सर्टिफिकेट (एन क्यू ए एस) उत्कृष्ट चिकित्सीय सेवा मन बर 
 दिये जाने वाला सर्वोच्च प्रमाण पत्र अउ सम्मान हे। ऐ ह आईएसओ के समतुल्य प्रमाण पत्र हे। एकर मिले के तात्पर्य ऐ हे कि ऐ अस्पताल के सेवायें भारत सरकार के श्रेष्ठ स्वास्थ्य संस्थान जैसे एम्स के सुविधा के समान हे। भारत सरकार के बाह्य मूल्यांकन टीम ले चेकलिस्ट के अनुरूप 13 विभागों के गुणवत्ता मापदण्डों के मौका म परीक्षण करीस। अस्पताल के सबो विभाग म उपलब्ध सेवायें अउ सुविधाओं के जायज़ा ले गीस हे । मरीज़ों मन ले भी बातचीत करीस। ऐमे प्रमुख रूप ले ओपीडी, आईपीडी, प्रसूति कक्ष, प्रसूति वार्ड, पीपी यूनिट, लेबर कक्ष,सर्जरी कक्ष, पैथोलॉजी, रेडियोलोजी, ब्लड बैंक अउ प्रशासनिक विभाग शामिल हे। ओ मन ह विशेषकर सर्जरी, ब्लड बैंक, रेडियोलोजी अउ प्रसूति विभाग के सेवा मन  के काफी सराहना करीस। जिला अस्पताल के  सलाहकार डॉ स्वाति यदु ह बताईस कि टीम के मूल्यांकन के परिणाम लगभग एक महीने म आए के उम्मीद हे। उकर द्वारा जारी प्रमाणपत्र 3 साल तक के बर वैध रहत हे। अस्पताल के स्वास्थ्य सुविधाएं बढ़ाए के यह प्रमुख आधार होत हे। तीन सालों तक प्रति बेड 10 हज़ार रुपया अस्पताल के क्वालिटी उन्नयन बर दे जाही। जिला अस्पताल के सबो वरिष्ठ चिकित्सकों, नर्स, पैरामेडिकल स्टाफ अउ अन्य अधिकारी-कर्मचारियों के सहयोग  ले मूल्यांकन कार्य सफलतापूर्वक संपन्न होईस हे।

                              


अऊ खबर

img not found

06/09/2020 अपराध

img not found

21/11/2019 धान

Top