छत्तीसगढ़ म 500 करोड़ के हवाला कांड़


 छत्तीसगढ़ म 500 करोड़ के हवाला कांड़
  18/02/2020  


रायपुर। छत्तीसगढ़ सहकारी बैंक म 500 करोड़ के हवाला कांड के जांच मुख्य सचिव आरपी मंडल करही । सीएम भूपेश बघेल ह जांच के मुख्य सचिव ल सौंपे हे । विधायक सत्यनारायण शर्मा ह चिठ्ठी लिख के कृषि मंत्री से जांच के मांग करे रहिस । जांच के अनुशंसा के संग चिठ्ठी  कृषि मंत्री ह मुख्यमंत्री ल भेजे रहिस । पत्र के आधार म मुख्यमंत्री भूपेश बघेल ह मुख्य सचिव आरपी मंडल ल जांच के निर्देश दिए हे अऊ दोषी मन उपर कड़ा कार्रवाई करे के निर्देश घलोक देहे हे । बता दिन कि 2010 से 2014 के बीच सरकारी बैंक म बड़का ट्रांजैक्शन होए रहिस । अलग-अलग बैंक शाखा ले तकरीबरन 500 करोड़ के लेनदेन म गड़बड़ी के मामला आघू आए रहिस । 2015 म एकर खुलासा होए रहिस, जेकर चलत लगभग दर्जनभर अधिकारी उपर निलबंन के गाज घलोक गिर रहिस। मामला ओ समय के प्रवर्तन निदेशालय से जांच के मांग घलोक उठे रहिस । फिलहाल विधायक सत्यनारायण शर्मा डहर ले लिखे चिठ्ठी ल गंभीरता से लेत हुए छत्तीसगढ़ सरकार ह ए मामला के जांच के जिम्मा मुख्य सचिव ल दे दिए हे।


अऊ खबर

img not found

06/09/2020 अपराध

img not found

21/11/2019 धान

Top