पर्यावरण अउ श्रम विभाग के नाक के नीचे गुडेली अउ टीमरलगा म अवैध चुना भट्ठा होत हे संचालित


 पर्यावरण अउ श्रम विभाग के नाक के नीचे गुडेली अउ टीमरलगा म अवैध चुना भट्ठा होत हे संचालित
  20/02/2020  


दिनेश जोल्हे : सारंगढ ।। जनपद के प्रसिद्ध गौण खनिज गाँव क्षेत्र गुडेली,टीमरलगा म अवैध रूप ले चुना भठ्ठा संचालित करे जात हेे,  आप मन ल बता दी कि चुना भठ्ठा संचालित करे के सैकड़ो नियम अउ शर्ते रहिथे जेन जेकर खुलेआम धज्जी उड़ा के अवैध रुप से चुना भठठा के संचालन करे जात हे , इलाका म अईसन्हे कई सारा चुना भठ्ठा संचालित करे जात हे उपर देहे गए फोटो ल ही देख के अंजादा लगाए जा सकत हे कि ये चुना भठ्ठी मन पर्यावरण विभाग गाईडलाईन के सरेआम धज्जी उड़ात हे, मजे के बात ये हे कि पर्यावरण विभाग के नाक के नीचे ये सब चलत हे अऊ पर्यावरण के आला अधिकारी मौन धारण करे बईठे हे।

इलाका म चौबीसों घंटा फूतका,धुर्रा,धक्कड़, पत्थर उड़ात हे जेन हर गाँव बस्ती अउ,फसल,साग,सब्जी,पानी,गाय,बैल,अउ लोगन समेत सब्बो ल अपन चपेट म लेवत हे , भठ्ठा म श्रमविभाग के नियम केे घलोक कोई पालन नई होवत हे काम करे वाला कर्मचारी मन ल कोनो प्रकार के मास्क,दस्ताना,हेलमेट,गुड जो शपथ पत्र म दरसाये जाए रहिथे ओकर कोई अनुपालन नई करे जात हे,  फुतका,धुर्रा ल देख के सम्बंधित विभाग कोनो प्रकार के कार्यवाही नई करत हवे। विभाग अउ अधिकारी मन के लचर रवैयया ल देख के ऐसे लगथे की मोटी प्रसाद के चढ़ावा मिलत होही ओकरे बर कार्यवाही नई करे।
अधिकारी कार्यवाही भी कैसे करहि अधिकारी मन ल तो रहे बर बड़का बंगला घर,अउ चलना लक्जरी गाड़ी के साथ पक्की रोड मीलत हवे त गुडेली,टीमरलगा म कुछु होही त ओमन के का जाहि ऐसे म लोगन मन म कई सवाल खड़े करथे।


अऊ खबर

img not found

06/09/2020 अपराध

img not found

21/11/2019 धान

Top