जिला म 1180 करोड़ के रिकॉर्ड 6.50 लाख मीटरिक टन धान खरीदी, गत वर्ष ले 21 हजार ज्यादा किसान ह बेचीस धान


जिला म 1180 करोड़ के रिकॉर्ड 6.50 लाख मीटरिक टन धान खरीदी, गत वर्ष ले 21 हजार ज्यादा किसान ह बेचीस धान
  22/02/2020  


रिपोर्टर-लिलेश्वर प्रसाद निषाद

 बलौदाबाजार  :- 22 फरवरी 2020/ राज्य सरकार द्वारा ऐ साल जिला म 1180 करोड़ रूपये के रिकार्ड 6 लाख 50 हजार मीटरिक टन धान के खरीदी करे गीस हे। गत वर्ष के 6 लाख 36 हजार मीटरिक टन के तुलना म ऐ साल 14 हजार मीटरिक टन ज्यादा धान के खरीदी करे गे हे। पिछले साल जहां 1 लाख 29 हजार किसान ह धान बेचे रहीस, वहीं ऐ साल जिला म 1 लाख 50 हजार किसान ह धान विक्रय करे हे। ऐ प्रकार म ऐ साल पिछले साल के तुलना म लगभग 21 हजार ज्यादा किसान ह राज्य सरकार के धान खरीदी योजना के लाभ उठाए हे।
   जिला सहकारी बैंक के 16 शाखाओं के अंतर्गत 86 सहकारी समितियों के जरिये ऐ वर्ष धान के खरीदी करे गीस। किसान के सुविधा के लिए इन 86 समितियों के अंतर्गत 151 धान खरीदी केन्द्र बनाये गे रहीस हे। राज्य सरकार के निर्देशानुसार 1 दिसम्बर 2019 ले धान खरीदी कार्य के शुरूआत होए रहीस जेहा  20 फरवरी तक चलीस। पूर्व म 15 फरवरी तक धान खरीदी के सीमा निर्धारित करे गे रहीस हे, लेकिन बेमौसम बारिश के वजह ले आईस कुछ दिक्कत के कारण ऐ पांच दिन अउ बढ़ाकर 20 फरवरी करे गीस। राज्य सरकार के धान खरीदी योजना के लाभ जिला के वास्तविक किसान मन ल  मिले, एला देखते हुए जिला प्रशासन द्वारा चाक-चैबंद व्यवस्था करे गे रहीस। सहकारिता मंत्री श्री प्रेमसाय सिंह टेकाम, प्रभारी सचिव श्री अविनाश चम्पावत, पंजीयक सहकारिता श्री धनंजय देवांगन एवं संभागीय आयुक्त श्री जी.आर. चुरेन्द्र ह भी अनेकों बार ए समितियों के दौरा कर खरीदी व्यवस्था के अवलोकन करीस। 
    जिला कलेक्टर श्री कार्तिकेया गोयल अउ एसपी नीतु कमल के नेतृत्व म सफलता पूर्वक धान खरीदी के महत्वपूर्ण अभियान कामयाब होईस। कोचिया किस्म के लोगन अउ धान के अवैध व्यापारी मन बर  भी कठोर कार्रवाई करे गीस। संपूर्ण धान खरीदी के अवधि म 133 कोचिया के खिलाफ कार्रवाई कर  15 हजार 541 क्विंटल धान जब्त करे गीस हे। ऐ दौरान अवैध कारोबार म लगे 12 वाहन भी बरामद होईस। जिला म सबसे ज्यादा 82 हजार 79 मीटरिक टन धान के खरीदी कसडोल सहकारी बैंक के अंतर्गत आने वाली सहकारी समितियों कें अंतर्गत करे गीस। सबसे कम 20 हजार 761 मीटरिक टन संग्रहण कोसमंदी सहकारी बैंक के समितियों के अंतर्गत करे गीस हे। किसान द्वारा खरीदी केन्द्रों म लाये गये समस्त धान के तौलाई अउ डाटा एन्ट्री के कार्य पूर्ण कर ले गे हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान