तीन वर्ष पूर्व आत्महत्या के जांच म खुलासा,मृतक के पत्नि ही निकलिस दोषी


तीन वर्ष पूर्व आत्महत्या के जांच म खुलासा,मृतक के पत्नि ही निकलिस दोषी
  29/02/2020  


रिपोर्टर-लिलेश्वर प्रसाद निषाद 

बलौदाबाजार :-  दिनांक 25/02/2020 के थाना पलारी जिला बलौदाबाजार ह मृतक यशवंत राम गिलहरे के पत्नि ल सारे साक्ष्य के आधार म दोषी मानत  धारा 306 कायम करे गीस।
यशवंत राम गिलहरे ह दिनांक 15/04/2017 के रात्रि म खाना खा के अपन कमरा म अकेला सोय रहीस  । दिनांक 16/04/2017 के सुबे 9 बजे तक दरवाजा नई खुलीस अन्दर ले बंद कर दे रहीस  । दरवाजा नई खोले म दरवाजा तोड़ के देखीस त यशवंत राम ह कमरा के अन्दर काड़ म प्लास्टिक रस्सी ले फांसी लगा ले रहीस । शासकीय अस्पताल पलारी के स्वीपर बसंत कुमार पिता राजकुमार खेदहिया साकिन वार्ड नं 14 द्वारा मृतक यशवंत राम गिलहरे द्वारा मृत्यु पूर्व लिखे सुसाईडल नोट ल पेश करे म दो गवाह के समक्ष मुताबिक जप्ती पत्रक के जप्त करे गे रिहीस। दिनांक 07/03/2018 के मृतक के पुत्र भीखम गिलहरे साकिन छेरकाडीह के पेश करे म मृतक के मृत्यु पूर्व करे गे लेख जप्त करे गीस हे। दोनो लिखावट ल छत्तीसगढ शासन रायपुर के परीक्षण हेतु भेजे गीस हे जेकर परीक्षण उपरांत रिपोर्ट छत्तीसगढ शासन रायपुर ले प्राप्त होईस हे। जेमा दोनों लिखावट एक ही व्यक्ति ;मृतक के होना पाय गे हे। सुसाईडल नोट म मृतक द्वारा पिछला बहुत दिन ले मोर पत्नि मोर साथ झगडा लडाई जुर्म व अत्याचार करत रहीस हे रात अउ दिन मोला चैन नई हे मोर जीना मुश्किल कर दे हे। एकरे के चलत मोर परिवार के बेटा बहु छुट गेट हे फिर एकर मन नई भरे अब मोला सोये नींद म जान ले मारे के धमकी देत हे मोर मन फट गे हे, ऐ घर म खुद अकेला रहना चाहत हे लिख के हस्ताक्षर करे हो।


अऊ खबर

img not found

06/09/2020 अपराध

img not found

21/11/2019 धान

Top