प्रत्येक ग्राम पंचायत म सेवा ले स्वच्छता अभियान के शुरुआत


प्रत्येक ग्राम पंचायत म सेवा ले स्वच्छता अभियान के शुरुआत
  01/03/2020  


रिपोर्टर-लिलेश्वर प्रसाद निषाद

बलौदाबाजार  :- 1 मार्च 2020/ जिला कलेक्टर कार्तिकेया गोयल के निर्देश म प्रत्येक ग्राम पंचायत म सेवा ले स्वच्छता अभियान के शुरुआत करे गीस। ऐ स्वच्छता अभियान प्रत्येक रविवार के सुबे 2 घन्टा सेवा अउ श्रमदान के माध्यम ले गाँवो म चलाए जाही। एकर तहत आज जिला के विभिन्न ग्राम पंचायत कोसमंदी,गातापार,अमेरा,बिनोरी म स्वच्छता कार्यक्रम चलाए गीस। ऐ स्वच्छता कार्यक्रम म नव निर्वाचित पंचायत प्रतिनिधि अउ आम नागरिक मन ह बड़े सँख्या म बढ़-चढ़ के भाग लीस।ग्राम पंचायत म स्वच्छता अभियान म नव निर्वाचित पंचायत प्रतिनिधि अउ ग्रामवासी मन ल जिला पंचायत के अतिरिक्त सीईओ हरिशंकर चौहान के द्वारा स्वच्छता के संकल्प दिलाए गीस। एंकर  साथ ही बड़े सँख्या म गाँव के महिला स्व सहायता समूह मन ह भी ऐ कार्यक्रम म बढ़ चढ़ के भाग लीस हे। सेवा ले स्वच्छता के अंतर्गत आज सबो घर के शौचालय के उपयोग, क्षतिग्रस्त शौचालय निर्माण,जल संरक्षण, सिंगल यूज प्लास्टिक के उपयोग बंद करे बर,महिला स्व सहायता समूह के माध्यम ले आम लोगन मन ल  स्वच्छता बर प्रेरित करना हे। सप्ताह म 2 घंटा सफाई करना अपन अपन घर म किचन गार्डन, सोख्ता गड्ढे के निर्माण करे बर  लोगन मन ल प्रेरित करे के उद्देश्य ले आज ऐ कार्यक्रम प्रारंभ करे गीस हे। ऐ संबंध म जिला पंचायत सीईओ आशुतोष पाण्डेय ह बताईस कि ए कार्यक्रम के मॉनिटरिंग बर हर रविवार एक अधिकारी  जिला पंचायत ले ग्राम पंचायत म जाही। एकर  साथ ही आने वाला समय म जिला के सबो 6 सौ 11 पंचायत म ऐ कार्यक्रम करे के लक्ष्य रखे गे हे।
आज कार्यक्रम के दौरान जिला स्वच्छ भारत मिशन प्रभारी मुरली कांत यदु, रजनीकांत बंजारे एनआरएलएम ले ज्योति पटेल अउ प्रतिभा भी उपस्थित रहीस हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top