अव्यवस्था के चलत परीक्षा केंद्र प्रभारी ल हटाए गइस, आकस्मिक निरीक्षण म जाहिर होईस अव्यवस्था


अव्यवस्था के चलत परीक्षा केंद्र प्रभारी ल हटाए गइस, आकस्मिक निरीक्षण म जाहिर होईस अव्यवस्था
  07/03/2020  


रिपोर्टर-लिलेश्वर प्रसाद निषाद-

बलौदाबाजार :- 6 मार्च 2020/ बलौदाबाजार जिला के लाहोद परीक्षा केंद्र प्रभारी श्री विजय लाल पैकरा ल हटा दे गे हे। ओ ह बोर्ड के परीक्षा म बच्चा मन बर बैठे के समुचित व्यवस्था नई करे रहीस। स्कूल म अतिरिक्त कमरा उपलब्ध होए म भी उकर उपयोग नई करे ले  नकल मारे के हद तक बच्चों के नजदीक-नजदीक बिठाए गे रहीस। डिप्टी कलेक्टर अउ परीक्षा प्रभारी श्री मिथिलेश डोंडे के आकस्मिक निरीक्षण म ऐ अव्यवस्था जाहिर होईस। उकर  अनुशंसा म जिला शिक्षा अधिकारी ह लेक्चरर श्री विजय लाल पैकरा ल हटा के लवन स्कूल के लेक्चरर श्री पहलवान सिंह सेन ल नया केंद्राध्यक्ष नियुक्त करे हे। श्री डोंडे ह आज भी बिलाईगढ़ तहसील के ग्राम टुण्डरी, परसाडीह अउ नगरदा परीक्षा केन्द्रों के आकस्मिक निरीक्षण करीस। कक्षा 12 वीं के आज जीव विज्ञान अउ अर्थशास्त्र के पर्चा रहीस।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top