बेमौसम बारिश ले रवि फसल ल होये नुकसान के किसान मन ला बीमा क्षतिपूर्ति दे बर मुख्यमंत्री, कृषिमंत्री से सेवा सहकारी समिति साजा करिस मांग


बेमौसम बारिश ले रवि फसल ल होये नुकसान के किसान मन ला बीमा क्षतिपूर्ति दे बर मुख्यमंत्री, कृषिमंत्री से  सेवा सहकारी समिति साजा करिस मांग
  03/07/2020  



टुमेश जायसवाल ।। बेमेतरा ।।
सेवा सहकारी समिति मर्यादित के संचालक मंडल के बैठक होइस सम्पन्न । जेमा समिति द्वारा खरीदी करे गए धान संग किसान मनके अऊ समिति के अन्य कामकाज के विषय म चर्चा करे गईस उहें समिति ला शासन ले प्राप्त पत्र जेमा समिति म कृषि सेवा केंद्र स्थापना बर किसान ला कृषि यंत्र उपलब्ध कराये अऊ टेक्टर सहित ओला संचालित सबो यंत्र कृषि अनुदान के अंतर्गत समिति म खरीदी करे बर सर्वसम्मति से प्रस्ताव पारित करे गइस  ये  सम्बंध म समिति अध्यक्ष कृष्णा राठी ह बताइस कि शासन के कृषि व किसान हित  ये योजना किसान मन बर  अत्यंत लाभकारी हे समिति म कृषि यंत्र उपलब्ध होये के बाद समिति अपन किसान मनला एखर अधिका अधिक लाभ शासन के मंशानुसार उपलब्ध कराए जाहि ये योजना बर  समिति के संचालक मंडल ह प्रदेश के मुख्यमंत्री, कृषिमंत्री के आभार व्यक्त करिस है ।

उहें संचालक मंडल ह  समिति क्षेत्र के गांव जेमा साजा, जांता, डोंगीतराई, केवतरा,पडकीटोला, परसबोड,माटरा,लोधीखपरी,जगन्नाथपुर म विगत कुछ दिन ले होये बरसा ले जेमा किसान के रवि फसल चना,गेहू,तिवरा, लाख संग बहूत फसल ला भारी नुकसान होही अब स्थिति अइसन  है कि किसान के खेत म फसल के दाना तको मिलना  मुश्किल हे।अइसन म किसान सहकारी समिति म फसल बर कृषि ऋण अंतर्गत भारी कर्ज उठाये हे जेमा  नगद संग खाद बीज शामिल हे उहें कर्जा के संग  किसान के प्रधानमंत्री फसल बीमा तको करे गये है अब जब फसल पूरा  बर्बाद हो गए हे अऊ किसान नुकसान म हे। अब कर्जा संग  अपन अऊ परिवार के लालन पालन के  चिंता होये ल लगीस हे समिति के संचालक मंडल अध्यक्ष कृष्णा राठी,उपाध्यक्ष बल्ला पटेल चित्ररेखा वर्मा,संचालक रामाधार वर्मा,उमाशंकर साहू,संतु साहू, जमुनाबाई जायसवाल,अनिरुद्ध साहू,झाडूदास कोशले, चन्द्रशेखर वर्मा, ह किसान के फसल नुकसान के उचित मुआयना करा बीमा क्षतिपूर्ति राशि देके  मांग प्रदेश के मुख्यमंत्री, भूपेश बघेल,कृषिमंत्री रविन्द्र चौबे ले करे हे। ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान