जाति बदल के करत रहीस नौकरी , मामला के खुलासा होए म करे गइस बर्खास्त


जाति बदल के करत रहीस  नौकरी , मामला के खुलासा होए म करे गइस बर्खास्त
  12/03/2020  


रिपोर्टर-लिलेश्वर प्रसाद निषाद 

कसडोलः- बहरा, विकलांग प्रमाणपत्र बनवाके नौकरी करे के मामला महासमुन्द जिला के बाद अब बलौदाबाजार म शिक्षा विभाग के मामला प्रकाश म आए हे। मामला ऐ हे कि शासकीय उच्चतर माध्यमिक शाला बया म प्राचार्य पद म पदस्थ शत्रुध्न लाल पटेल ह शासन ल गुमराह करत हुए अपन जाति अघरिया (पिछडी) जाति ल अगरिया(आदिवासी) फर्जी बनवाके पेश करत हुए नौकरी के लाभ लेत रहीस हे । जेकर शिकायत उच्च स्तरीय जांच कमेटी ले करे जाए म मामला के खुलासा होईस।

प्राप्त जानकारी के अनुसार शत्रुध्नलाल पटेल पुर्व म चांदन हाईस्कुल म पदस्थ रहीस। तब ले ऐ बात ल लेकर शिकायत करे गे रहीस हे। पर कार्यवाही नई होए के कारण मामला दबे रहीस । उक्त शिक्षक के जब प्राचार्य पद म प्रमोशन होईस त मामला खुलकर सामने अईस।

शिकायत होईस जांच कमेटी के निर्णय अईस कि शत्रुघ्न लाल पटेल ह जाति बदलकर शासन ल धोखा देकर पदोन्नति के लाभ लिस जो अपराध के श्रेणी म आथे ।

जिला शिक्षा अधिकारी बलौदाबाजार के आर0के0 वर्मा ह बताईस कि प्राचार्य ल बर्खास्त कर दे गे हे। अउ ऐ तरह ले कृत्य करे के कारण उक्त प्राचार्य  उपर एफ0 आई0 आर0 करे जाही।


अऊ खबर

img not found

06/09/2020 अपराध

img not found

21/11/2019 धान

Top