तुरतुरिया-नारायणपुर पर्यटन केंद्र के रूप मा विकसित होही, मुख्य सचिव आर.पी. मण्डल ह करीस स्थल के निरीक्षण


तुरतुरिया-नारायणपुर पर्यटन केंद्र के रूप मा विकसित होही, मुख्य सचिव आर.पी. मण्डल ह करीस स्थल के निरीक्षण
  14/03/2020  


रिपोर्टर-लिलेश्वर प्रसाद निषाद

बलौदाबाजार :- 14 मार्च 2020/ छत्तीसगढ़ म राम वनगमन मार्ग के महत्वपूर्ण केंद्र बलौदाबाजार जिला के तुरतुरिया एवं एकर नज़दीक स्थित लगभग 1 हज़ार साल पुरानी शिव मंदिर ल पर्यटन केन्द्र के रूप म विकसित करे जाही। मुख्य सचिव श्री आर.पी.मण्डल ह आज राज्य सरकार के वरिष्ठ अधिकारियों के टीम के साथ ऐ सिलसिला म तुरतुरिया अउ नारायणपुर के दौरा करीस। ओ मन ऐ दोनों स्थलों तक लोगन मन के आसानी ले पहुंच सहित उकर ठहरे, खान-पान अउ मनोरंजन के साधन विकसित करे के कार्य-योजना जल्द ले जल्द तैयार कर प्रस्तुत करे बर  कहे हे। ओ मन तुरतुरिया के बाल्मीकि आश्रम अउ बालमदेही नदी एवं नारायणपुर के नज़दीक बहनेवाली महानदी म वाटर फ्रंट डेवलपमेंट अउ कॉटेज सुविधा विकसित करे बर कहे हे। श्री मण्डल ह दोनों स्थानों के प्राकृतिक सुंदरता के खूब सराहना करीस अउ कहीस कि राम वन गमन पथ के चिन्हित स्थलों के विकास राज्य सरकार के सर्वोच्च प्राथमिकता हे। प्रधान मुख्य वन सरंक्षक श्री राकेश चतुर्वेदी, पर्यटन सचिव श्री अंबलगन, मुख्य वन सरंक्षक श्री एस.एस. डी. बड़गैया, कलेक्टर श्री कार्तिकेया गोयल, एस पी नीतुकमल,डीएफओ श्री आलोक तिवारी, जिला सीईओ श्री आसुतोष पांडेय भी उपस्थित रहीस। उल्लेखनीय हे कि  भगवान राम अपन वनवास काल के दौरान कुछ समय बर तुरतुरिया के जंगल म बिताए रहीस। ओ मन वाल्मीकि मुनि ले आशीर्वाद ले रहीस  हे। भगवान राम के दोनों पुत्र-लव अउ कुश के जन्म स्थली भी तुरतुरिया ल माने जाथे ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top