मेडिकल स्टोर के जांच बर टीम गठित


मेडिकल स्टोर के जांच बर टीम गठित
  17/03/2020  


रिपोर्टर-लिलेश्वर प्रसाद निषाद

बलौदाबाजार :-17 मार्च 2020/ जिला के सबो मेडिकल स्टोर मन म कोरोना वायरस संक्रमण ले बचाव बर उपयोगी मास्क अउ सैनिटाइजर के उपलब्धता सुनिश्चित करे बर सम्बन्धित तहसीलदार मन के नेतृत्व म तीन सदस्यीय जांच टीम गठित करे गईस। टीम म मजिस्ट्रेट के संग ही ओ क्षेत्र के ड्रग इंस्पेक्टर ल भी शामिल करे गे हे। कलेक्टर एवं जिला दंडाधिकारी श्री कार्तिकेया गोयल ह आम जनता ल कोरोना वायरस ले सुरक्षित रखे बर सबो टीम ले मेडिकल दुकान मन के सतत निरीक्षण कर मास्क आउ सैनिटाइजर के उपलब्धता सुनिश्चित करे बर कहे हे।

                कलेक्टर एवं जिला दंडाधिकारी द्वारा जारी आदेश के अन्तर्गत बलौदाबाजार तहसील के दुकान मन के निरीक्षण बर तहसीलदार गौतम सिंह, नायब तहसीलदार मयंक अग्रवाल आउ ड्रग इंस्पेक्टर नीलिमा साहू ल नियुक्त करे गे हे। भाटापारा तहसील म जांच बर तहसीलदार प्रवीण तिवारी, नायब तहसीलदार सौरव चौरसिया, ड्रग इंस्पेक्टर किशोर ठाकुर, सिमगा तहसील बर तहसीलदार हरिशंकर पैकरा, नायब तहसीलदार यशवंत राज़, ड्रग इंस्पेक्टर नीलिमा साहू, पलारी तहसील म तहसीलदार इंदिरा मिश्रा, नायब तहसीलदार कुणाल पांडेय, ड्रग इंस्पेक्टर किशोर ठाकुर, कसडोल तहसील बर तहसीलदार शंकरलाल सिन्हा, नायब तहसीलदार श्रीधर पण्डा, ड्रग इंस्पेक्टर किशोर ठाकुर आउ बिलाईगढ़ तहसील बर तहसीलदार अमित श्रीवास्तव, नायब तहसीलदार ममता ठाकुर अउ ड्रग इंस्पेक्टर किशोर ठाकुर ल दुकान मन के जांच के जवाबदारी सौंपे गे हे। कोरोना वायरस के सम्बन्ध म आम जनता नियंत्रण कक्ष के फोन नम्बर 07727-223532 म जानकारी दे सकत हे जेन दिन-रात काम करही।


अऊ खबर

img not found

06/09/2020 अपराध

img not found

21/11/2019 धान

Top