सिद्धि माता मंदिर म कोरोना वायरस  ल देखत हुए समिति प्रबंधन ह बलि प्रथा बंद करे के लिस निर्णय


सिद्धि माता मंदिर म कोरोना वायरस  ल देखत हुए समिति प्रबंधन ह बलि प्रथा बंद करे के लिस निर्णय
  17/03/2020  


सिद्धि माता मंदिर म कोरोना वायरस  ल देखत हुए समिति प्रबंधन ह बलि प्रथा बंद करे के लिस निर्णय
 

बेमेतरा ले टुमेश जायसवाल :- चीन के बुहान ले फैले नोवल कोराना वायरस के कहर ह सबो विश्व म महामारी के रूपधर ले हे । डब्लूएचओ ह ये वायरस ल महामारी के नाम ले घोषित कर दे हे।

छत्तीसगढ़ के बेमेतरा जिला के संडी गांव के सि़द्धी माता मंदिर म समिति ह सदियो ले चलत  बलि प्रथा ल ये दरी   कोरोना वायरस के प्रकोप ले  बंद करे के फैसला लिस। ये मंदिर बेरला तहसील म हे । मंदिर समिति प्रबंधन के अध्यक्ष दिनेश ठाकुर ह जिला कलेक्टर संग पुलिस अधीक्षक, जिला चिकित्सा अधिकारी, पशु चिकित्सा अधिकारी अऊ अनुविभागीय अधिकारी ल पत्र लिख के समिति के ये निर्णय ले अवगत कराइस। समिति ह  ये तको बताइस के  कोराना वायरस के रोकथाम बर राज्य शासन, जिला प्रशासन के संग हे। कोराना वायरस ल देखत हुए ये दरी  मंदिर म होबईया  बलि प्रथा म रोक लगाये  जावत हे। संग म ये  जोन मेला आयोजित होवत रहिस, ये दरी  कोई मेला नहीं होये। समिति ह ये भी कहिस के  मंदिर म जनअस्था के अनुरूप बलि प्रथा ल छोड़कर सबो अनुष्ठान होंही। समिति ह बताइस कि यहा प्रतिदिन मंदिर के आसपस विशेष सफाई करे  जात  हे मिट्टी तेल अउ फिनाईल के छिड़काव करे  जात हे। समिति ह नवरात्र के दौरान विशेष सुरक्षा के मांग तको करे हे।


अऊ खबर

img not found

06/09/2020 अपराध

img not found

21/11/2019 धान

Top