मोबाइल ले नकल करत दू छात्र पकड़ाईस,लापरवाह शिक्षक मन के वेतनवृद्धि रोके के आदेश


मोबाइल ले नकल करत दू छात्र पकड़ाईस,लापरवाह शिक्षक मन के वेतनवृद्धि रोके के आदेश
  18/03/2020  


रिपोर्टर-लिलेश्वर प्रसाद निषाद

बलौदाबाजार :-18 मार्च 2020/स्थानीय पण्डित चक्रपाणि हायर सेकेण्डरी स्कूल म मोबाईल ले नकल करत हुये दू छात्र पकड़ा गीस। माध्यमिक शिक्षा मण्डल के कक्षा बारहवीं के अंग्रेजी के आज बिहनिया पेपर रहीस। डिप्टी कलेक्टर एवं उड़नदस्ता प्रभारी श्री मिथलेश डोण्डे के नेतृत्व म पहुंची जांच टीम ह आकस्मिक निरीक्षण म नकल के प्रकरण बनाईस। परीक्षा केन्द्र के कमरा नम्बर 13 एवं गैलरी म एक छात्र के पास प्रतिबंधित सामग्री के रूप म मोबाईल जब्त करे गीस।  उकर विरूद्ध नकल प्रकरण तैयार कर मोबाईल माध्यमिक शिक्षा मण्डल भेज दे गे हे। परीक्षा केन्द्र म प्रवेश के दौरान बच्चा मन के ठीक ले जांच नई करके शिक्षक मन ह  लापरवाही बरती हे। शिक्षक के तौर  म श्रीमती यमुना वर्मा प्राथमिक शिक्षक परसाभदेर, जगदीश प्रसाद वर्मा सहायक शिक्षक कसियारा एवं रामनाथ साहू सहायक शिक्षक के ड्यूटी लगाए गे रहीस  । जिला शिक्षा अधिकारी एवं मुख्य नगरपालिका अधिकारी ह उन तीनों पर कार्रवाई के लिए अनुशंसा करे गे हे। जिला शिक्षा अधिकारी ह बताईस कि सहायक शिक्षक श्रीमती यमुना वर्मा एवं जगदीश प्रसाद वर्मा के एक-एक वेतनवृद्धि असंचयी प्रभाव ले रोक दे गे हे। नगरीय निकाय के सहायक शिक्षक रामनाथ साहू के वेतनवृद्धि रोके बर सीएमओ ल पत्र भेज दे गे हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top