गुणवत्ताहीन सड़क निर्माण के मामला, अधिकारी मन नई देवत हे ध्यान


गुणवत्ताहीन सड़क निर्माण के मामला, अधिकारी मन नई देवत हे ध्यान
  19/03/2020  


रिपोर्टर-लिलेश्वर प्रसाद निषाद 

बलौदाबाजार :- बारनवापारा म वनविभाग के कर्मचारी मन द्वारा  भ्रष्टाचार के खुलमखुल्ला खेल खेले जाथ हे, विभागीय अधिकारी बिना किसी के परवाह करे सड़क निर्माण कार्य म गुणवत्ता विहिन कार्य करत हे. जेकर अखबार म प्रमुखता ले प्रकाशन करे जाए के बावजूद विभाग के अधिकारी मन ऐ भ्रष्टाचार म कार्यवाही नई करत  हे।

मामला बारनवापारा म चरौदा ले देवगांव के बीच करे जाथ  सड़क निर्माण कार्य के हे. ऐ मार्ग ग्रामीण मन के आवागमन म सुविधा होही कह के विभाग के द्वारा निर्माण कराये जाथ  हे. ऐ मार्ग बोल्डर, मिटटी, मुरूम ले बनाए जाना हे.  जेकर वन विभाग द्वारा बोल्डर, मुरूम, के एवं मिटटी के ठेका दिये गे हे।

निर्माण कार्य विभाग के द्वारा करे जाथ हे, जेमा वन विभाग के अधिकारी मन के सह म अभ्यारण्य ल दोहन कर मुरूम निकाले गीस. जेकर शिकायत करे गीस, जेमा बार के रेंजर  कुणाल चंद्राकर ह तुरंत विभाग के वनरक्षक मन ल मना करे के बात कहते हुए काम बंद करवाए के बात कहीस।

यहां ऐ बताना लाजमी हो गे हे कि जब शिकायत करे गीस त सड़क निर्माण बर पर्याप्त मा़त्रा म मुरूम के उपयोग करे जा चुके रहीस, मुरूम ल बकायदा जे0सी0बी0 मशीन के उपयोग करे गीस अउ डम्फर ले परिवहन करे गीस. जेहा वन विभाग के कर्मचारियों के संज्ञान म ही होत रहीस. काअ वन विभाग के कर्मचारी मन ल सह नई मालुम हे कि सेंचुरी क्षेत्र ले कोई भी प्रकार के दोहन करना कानुनन जुर्म हे।

बोल्डर के बात करन त निर्माण म  फर्शी पत्थर के टुकड़ा के उपयोग करे जाथ हे. जेकर विभाग के रेंजर अउ एस0डी0ओं0 ल जानकारी भी हे. एकर ले साफ जाहिर होत हे कि वन विभाग के अधिकारियों द्वारा भ्रष्टाचार ल बढा़वा दिये जाथ हे. विभाग के अधिकारी मन मौन साधें हुये हे, ऐ मन ल कोई प्रकार के डर नई हे। 

एकर मन के कार्य करवाए के अंदाज ले ऐसे महसुस होत हे,  कि विभाग के अधिकारियों के मिलिभगत कर कार्य करे जाथ हे. ऐ तरह ले कार्य ल बरसात म एक दिन भी ग्रामीण मन नई चल पाए, काबर जे फर्शी पत्थर के उपयोग करे जाथ हे वह बरसात के पानी पड़े के बाद ऐसे हो जाही जेमा दुपहिया वाहन यहां तक पैदल चले म भी मुश्किल हो जाही.

ग्रामीण मन एकर शिकायत विभाग के मंत्री ले करे जाए के बात कहत हे. काबर विभाग म शिकायत करना बेकार हे, काबर कि काम विभाग के कर्मचारियों द्वारा करवाए जाथ हे।


अऊ खबर

img not found

06/09/2020 अपराध

img not found

21/11/2019 धान

Top