कोरोना के खिलाफ अभी जंग हे बाकी


कोरोना के खिलाफ अभी जंग हे बाकी
  22/03/2020  


कबीरधाम
कोरोना वायरस संक्रमण के रोकथाम बर प्रधानमंत्री के देशवासी मन ले जनता कर्फ्यू के अपील सफल दिखिस रायपुर, बिलासपुर, दुर्ग, भिलाई, कवर्धा जैसे छत्तीसगढ़ के जम्मो बड़े शहर संगे संग गांव मन म सब्बो  दुकान बंद रहिंन, लोगन दिनभर घर ले नई निकलीन अउ हर रद्दा गली मोहल्ला म दिन भर सन्नाटा पसरे रहिस
लोगन घर म रहिके टीवी मोबाइल  म अपन म अउ सुत सुत के अपन दिन काट लीन

संझा लोगन ताली,थाली, घंटी ढोल अउ स्पीकर म धुन बजा के घर ले बाहिर अपन जान ल जोखिम म डाल के ड्यूटी करइया पुलिस, स्वास्थकर्मी, सफाईकर्मी अउ मीडियाकर्मी के अभिवादन करिन 

न्यूज़ 36 के 1 अपील :  संगवारी हो आज आप मन जनता कर्फ्यू ल अपन समर्थन देके कोरोना वायरस के संक्रमण ल रोके बर अपन, अपन परिवार राज्य अउ देश के सुरक्षित सेहत बर अपन अमूल्य योगदान दे हव तेखर बर आप मन ल नमन

फेर अभी ये वायरस के खिलाफ हमर लड़ाई बाकी हे
कोरोना वायरस के संक्रमण के हमर देश म 3rd स्टेज चालू हे जेन स्टेज म येला बहुत तेजी ले फइलत देखे गए हे 
ये अगर फइल जहि त हमर पूरा देश म हालात बहुत गंभीर हो जाही
संगवारी हो जान हे त जहान हे अपन अउ अपन परिवार के सलामती बर एकदम जरूरी काम ल छोड़ के अउ कोनो काम बर घर ले झन निकलय
दुकान धंदा बन्द करके एक दूसर ले मेल मिलाप बंद  राखव अउ एक दु हफ्ता  अपन घर म बितावव अइसन करे ले जब हम काखरो ले मिलबो नही त हमर म ये संक्रमण कहाँ ले आहि

त देशहित म आप मन ले समझदारी के अपील के साथ आप मन ले बिनती

घर म रहव, संक्रमण ले बचव हे कोन बात के रोना
एक दूसर ल मिलहु अउ छूहु नही त हार जाहि कोरोना

- तिलेश सेन news36कबीरधाम


अऊ खबर

img not found

06/09/2020 अपराध

img not found

21/11/2019 धान

Top