ग्राम पंचायत के शासकीय जमीन म अवैध खनन कर धड़ल्ले से बेचे जात हे मुरुम , प्रशासन मौन


ग्राम पंचायत के शासकीय जमीन म अवैध खनन कर धड़ल्ले से बेचे जात हे मुरुम , प्रशासन मौन
  22/03/2020  


सूर्यप्रकाश सूर्यकांत

मस्तूरी विधानसभा क्षेत्र के ग्राम चिल्हाटी म सरपंच प्रतिनिधि कति ले धड़ल्ले ले ग्राम पंचायत के शासकीय भूमि म अवैध खनन कर मुरूम ल बेचे जावत हे क्षेत्रीय अधिकारी मनके सुस्तरवैया के कारण मस्तूरी क्षेत्र म अवैध खनन के कारोबार भारी तेजी ले चलत हवय कोनो मेर अवैध रेत सप्लाई होवत हे त कोनो मेर शासकीय भूमि म जेसीबी लगा के मुरूम के खुदाई करे जावत हे अइसे नई हे कि मस्तूरी क्षेत्र के अधिकारि मनला  ये विषय म  जानकारी नई हो जानकारी के बावजूद सब अपन कमीशन खोरी मे लिप्त रहिथे  उचित करवाही नई होय के वजह ले मस्तूरी क्षेत्र म अवैध खनन भारी जोर पकड़े हे एक और जिन्हा पूरा देश अउ राज्य करोना वायरस  ल लेके चिंतित हवय जनता कर्फ्यू के पालन करत हुये सब लोगन अपन-अपन घर द्वार म सीमित हवय त उन्हें दूसर कति खनिज माफिया मौका के फायदा उठा के धड़ल्ले ले अवैध मुरूम खनन म लगे हुये हे।

विगत हफ्ता भर हो गये हे ग्राम पंचायत चिल्हाटी म मुरूम के कारोबार अवैध रूप ले भारी तेजी ले चलत हवय जब ये  विषय म नायाब तहसीलदार ले संपर्क करके पूछे गइस त ओहर नजदीक के थाना म सूचना देहे के बात कहीस अउ संगेसंग शासकीय दफ्तर बंद होये के वजह ले जे दिन दफ्तर खुलेही ओ  समय आये  म उचित कार्रवाई करे के बात कहीस l उन्हें खनिज विभाग के माइनिंग इंस्पेक्टर एसके साहू हर छुट्टी होये के वजह बता के अपन कर्तव्य ले पल्ला झाड़ दिसl अउ ये विषय म पचपेड़ी थाना प्रभारी एम डी आनंद के कहना हे कि क्षेत्र म धारा 144 लगे के वजह ले अपन आप ल ड्यूटी म व्यस्त हवव कहिके बताइस। कुल मिला के देखा जाए त जवाबदार अधिकारी एक दूसर के ऊपर बात ल थोपते नजर आइस अउ  अपन-अपन कर्तव्य ले पल्ला झाड़त हुये नजर आइस ।


अऊ खबर

img not found

06/09/2020 अपराध

img not found

21/11/2019 धान

Top