मुख्यमंत्री भूपेश बघेल संवेदनशीलता आईस काम , बिलासपुर स्टेशन म फंसे झारखंड के 139 मजदूर सकुशल रवाना


मुख्यमंत्री भूपेश बघेल संवेदनशीलता आईस काम , बिलासपुर स्टेशन म फंसे झारखंड के 139 मजदूर सकुशल रवाना
  24/03/2020  


बिलासपुर ।। केरल से झारखंड जाए बर निकले मजदूर कल रात बिलासपुर स्टेशन म आके फंस गए रहिन काबर कि आघू जाए बर न कोनो ट्रेन रहिस न ही बस। ए बात के जानकारी मुख्यमंत्री भूपेश बघेल ल मिलिस । मुख्यमंत्री ह मानवीय संवेदना के पहल करत हुए जिला प्रशासन निर्देश दिहिस  कि उंकर भोजन अऊ चिकित्सा सुविधा उपलब्ध करात हुए सुरक्षित गंतव्य तक पहुंचाए के व्यवस्था करे जाए । मुख्यमंत्री के निर्देश म आज इन मजदूर मन ल घर वापसी बर बस के व्यवस्था कर रवाना कर देहे गईस । स्टेशन म असम, पश्चिम बंगाल, बिहार, ओडिशा के मजदूर भी फंसे हुए रहिन ओहू मन ल सकुशल घर भेजे के व्यवस्था करे जात हे ।
एर्नाकुलम-बिलासपुर एक्सप्रेस से केरल म मजदूरी करे वाला 237 यात्री मजदूर बिलासपुर स्टेशन पर कल रात पहुंचे रहिन । आघू जाए के कोनो व्यवस्था नई रहिस । सोशल मीडिया के जरिये मुख्यमंत्री श्री भूपेश बघेल के ध्यान म ये बात लाए गईस । मुख्यमंत्री ह तत्काल जिला प्रशासन ल ए सम्बन्ध म निर्देश दिहिस। जेकर बाद यात्री मन से प्रशासन के अधिकारी मन सम्पर्क करीन। स्टेशन म  भोजन अऊ रुकने के व्यवस्था करे गईस अऊ आवश्यकता अनुसार चिकित्सा सुविधा मुहैया कराए गईस । आज झारखंड के यात्री मन ल सकुशल बस म बिठाके छत्तीसगढ़ के सीमावर्ती जिला बलरामपुर भेजे गईस। यहां से झारखंड प्रशासन के अधिकारी उ मन ल गंतव्य तक पहुंचाही। बस म बईठे के बाद इन मजदूर के चेहरे म राहत व  दिखाई दिहिस । यात्री मन  ए व्यवस्था बर मुख्यमंत्री श्री भूपेश बघेल के आभार मानत हुए धन्यवाद दिहिन ।
अही ट्रेन से बिलासपुर पहुंचे केरल से ही आये ओडिशा, पश्चिम बंगाल, असम, बिहार के यात्री मन ल भी  गंतव्य तक पहुंचाए के व्यवस्था जिला प्रशासन द्वारा करे जात हे । अभी इ मन ल रैन बसेरा म ठहराए गए हे, जिहां  रहे, खाए अऊ चिकित्सा के पूरा सुविधा उपलब्ध कराए जात हे।


अऊ खबर

img not found

06/09/2020 अपराध

img not found

21/11/2019 धान

Top