पेट्रोल पंप म बरसिस दरोगा के लाठी.. IG ह करिस लाईन अटैच.. विभागीय जाँच के आदेश


 पेट्रोल पंप म बरसिस दरोगा के लाठी.. IG ह करिस लाईन अटैच.. विभागीय जाँच के आदेश
  26/03/2020  


बिलासपुर । कोरोना संक्रमण ले बचाव बर शटडाउन अउ धारा 144 के कड़ाई ले पालन बर जुटे पुलिस बर तब असुविधाजनक स्थिति हो गईस जब तैश म आए टीआई ह पेट्रोल पंप म पेट्रोल भरावत ग्राहक उपर तो लाठी बरसाईस ही साथ ही पेट्रोल पंप के सेल्समैन ल भी बेदम पीट दिहिस। मामला के भनक मिलत ही आईजी दीपांशु काबरा के निर्देश म कप्तान प्रशांत अग्रवाल ह आरोपी टीआई ल लाईन अटैच कर विभागीय जाँच करे के निर्देश दिए हे । मामला स्थानीय बुख़ारी पेट्रोल पंप के जिहां एक स्कुटी म दू लोगन पेट्रोल लेके निकलत रहिन , तभे तारबहार टीआई सुरेंद्र स्वर्णकार ह अचानक सबो झन ल पीटना शुरु कर दिहिस। पेट्रोल लेके निकलत ग्राहक तो भाग गइस, फेर निशाना म पेट्रोल पंप के सेल्समैन आ गईस, जेला टीआई ह बेतहाशा मारिस। पंप संचालक ह पूरा मामला के सीसीटीवी फ़ुटेज घलो जारी किया करे हे अउ मसला म क्षोभ जाहिर करे हे । मामला के जानकारी सामने आते ही IG दीपांशु काबरा अउ कप्तान प्रशांत अग्रवाल ह गहरा नाराज़गी जताईस अउ थानेदार ल तीखा फटकार लगात हुए ओला लाईन अटैच कर देहे हे। ए मामला म आरोपी टीआई के विरुद्ध विभागीय जाँच भी करे जाही । 


अऊ खबर

img not found

06/09/2020 अपराध

img not found

21/11/2019 धान

Top