दूरदर्शन फिर प्रसारित करही रामायण-महाभारत


दूरदर्शन फिर प्रसारित करही रामायण-महाभारत
  26/03/2020  


रायपुर । कोरोना वायरस के संक्रमण ल रोको बर देश भर म लॉकडाउन करे गए हे। अइसे म लोगन घर म रहिके अलग-अलग तरीका ले अपन वक्त काटत हे। मनोरंजन इंडस्ट्री म घलो कोरोना वायरस के चोट पड़े हे अउ अब न तो नवा फिलिम रिलीज होत हे अउ ना ही टीवी शोज के शूटिंग हो पावत हे । अइसे म तकरीबन सबो टीवी चैनल्स शोज के रिपीट टेलीकास्ट दिखाए बर मजबूर हे। दूरदर्शन घलो फैसला करे हे ककि ओहा दौर के बहुँते लोकप्रिय टीवी शो रामायण अउ महाभारत के रिपीट टेलीकास्ट करही । रामायण अउ महाभारत दूरदर्शन के सबले लोकप्रिय टीवी शोज म रहिस । ये वो शोज हे जेन ह इतिहास रचिस अउ एमा काम करइया सबो सितारा अपन आप म लीजेंड बन गईन। रिपोर्ट्स के मुताबिक प्रसार भारती के शशि शेखर ह ट्विटर म एक यूजर के सवाल के जवाब देत हुए ये खबर जारी करिस अउ बताइस के ये शोज कोन वक्त प्रसारित करे जाही एखर टाइम स्लॉट भी जल्द ही बता देहे जाही । बता देन कि रामानंद सागर कृत रामायण सन 1987 म शूट होए रहिस अउ बी.आर.चोपड़ा कृत महाभारत के शूटिंग सन 1988 म होए रहिस । भारतीय मायथलॉजी ल विज्ञान के मदद ले पहली बार छोटे पर्देा म उतारे गए रहिस जेखर वजह ले न सिर्फ ये शोज बहुत ज्यादा देखे गईस बल्कि इँखर लोकप्रियता ह आसमान के ऊंचाइयां छुईस । 


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top