सब्जी विक्रेता मन के विरुद्ध ताबड़तोड़ कार्रवाई, ज्यादा कीमत म साग भाजी बेचईया के अब खैर नई


सब्जी विक्रेता मन के विरुद्ध ताबड़तोड़ कार्रवाई, ज्यादा कीमत म साग भाजी बेचईया के अब खैर नई
  27/03/2020  


लिलेश्वर प्रसाद निषाद के ख़बर

बलौदाबाजार ।। कलेक्टर श्री कार्तिकेया गोयल के निर्देश म सब्जी के ओवर रेट के खिलाफ बलौदाबाजार शहर म आज ताबड़तोड़ कार्रवाई करे गीस। कोरोना वायरस के कारण आपूर्ति कम होए के बहाना बनात हुए शहर के अनेक सब्जी विक्रेताओं द्वारा रेट एकाएक बढ़ा दे गे हे।  एकर सूचना ल गंभीरता ले लेत हुए एसडीएम सुश्री लवीना पांडेय ह नगरपालिका के टीम ल आकस्मिक जांच बर तत्काल रवाना करीस। टीम ह छापामार शैली म शहर के बालक शाला के सामने खगेश सब्जी दुकान, प्रेस क्लब के सामने मानिक सब्जी दुकान अउ राजेश फल अउ सब्जी दुकान के आकस्मिक निरीक्षण करीस। निरीक्षण म सामान्य कीमतों ले लगभग 20-30 रुपया अधिक कीमत म सब्जी बेचे के शिकायत के पुष्टि होईस। उकर द्वारा आलू-प्याज़ 50 रुपया, भिंडी 55 रुपया, टमाटर 50 रुपये म बेचत  रहीस हे।  जबकि वास्तविक कीमत एकर ले काफी कम हे। ए दुकानदारों  ले 3 सौ रुपया ले 5 सौ रुपया जुर्माना वसूल करे गीस अउ आइंदा बर कड़ी हिदायत दे गीस। ए सबो दुकान मन ल विक्रय स्थल ले हटा भी दे गीस हे। कार्रवाई म नगरपालिका के सब इंजीनियर  नेमीचंद वर्मा, राजस्व निरीक्षक एस. के.सिनहा सहित कर्मचारी कृष्णकांत कुर्रे एवं अमित वर्मा शामिल रहीस। एसडीएम ह कहीस कि मुनाफाखोरी के खिलाफ अभियान निरन्तर जारी रही।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top