संकट के घड़ी म ए कर्मयोगी मन ल सलाम, घर लहुटत यात्रि मन ल भोजन करात हे “हंगर फ्री”


संकट के घड़ी म ए  कर्मयोगी मन ल सलाम, घर लहुटत यात्रि मन ल भोजन करात हे “हंगर फ्री”
  27/03/2020  


बिलासपुर । कर्फ्यू लगे के बाद लगातार चौथा दिन झारखंड बंगाल उड़ीसा के रहवासी रेल यात्रा कर बिलासपुर पहुंचिन अउ ओही दिन कर्फ्यू लगे के वजह ले उमन ल बिलासपुर के व्यापार विहार स्थित त्रिवेणी भवन अउ रेन बसेरा म रखे गईस, जिखर बिहनिया के नाश्ता दुपहर के भोजन अउ रात के भोजन के व्यवस्था लगातार सामाजिक संस्था हंगर फ्री बिलासपुर के द्वारा करे जात हे । कोरोना जइसे महामारी विश्व म फइलल चुके हे, जेखर वजह ले कर्फ्यू लगाया गईस । लोगन जिहां रहिन उहें रुकना पड़िस । ए विकट परिस्थिति ल देखत हुए हंगर फ्री बिलासपुर ये ठाने हे कि जब तक कर्फ्यू रइही तब तक फंसे हुए राहगीर मन ल बिहनिया अउ संझा के भोजन उपलब्ध कराए जाही । एखर अलावा भी शहर के विभिन्न जगह पर म रहत नगरवासी मन ल भी यदि भोजन के आवश्यकता पड़ही त उमन ल भी भोजन कराए जाही । संस्था के संयोजक चन्द्रकान्त साहू बताईस के उखर संस्था विगत 18 माह ले शहर के विभिन्न स्थान म रहत असहाय बेसहारा वृद्धजन मन ल प्रतिदिन निशुल्क भोजन  उपलब्ध करावत हे । ए विकट परिस्थिति म हमर संस्था हर पल सेवा बर तइयार हे अउ हर सम्भव मदद करत हे जेमा मुख्य रुप से नीरज गेमनानी, प्रकाश झा, रूपेश शुक्ला, रोशन साहू,चुन्नी मौर्य अउ सौम्य रंजीता शामिल हे।


अऊ खबर

img not found

06/09/2020 अपराध

img not found

21/11/2019 धान

Top