सुरक्षा ला लेके मजदूर मन करिन प्रदर्शन, अदानी(जीएमआर) पावर प्लांट म करिन प्रदर्शन


सुरक्षा ला लेके मजदूर मन करिन प्रदर्शन, अदानी(जीएमआर) पावर प्लांट म करिन प्रदर्शन
  30/03/2020  


केशव पाल : तिल्दा-नेवरा

तिल्दा-नेवरा के समीपस्थ ग्राम रायखेड़ा स्थित अदानी(जीएमआर)पावर प्लांट के मजदूर मन सुरक्षा ला लेके आज ग्राम रायखेड़ा मा जमके प्रदर्शन करिन। अउ मांग पूरा होही तभे काम करे के चेतावनी देइस। मजदूर मन के कहना हे,कि हम सबो ठेकेदारी मजदूर मन ला घलो उही सुविधा अउ सुरक्षा मिलना चाही,जो सुरक्षा कंपनी प्रबंधन द्वारा उंहा के परमानेंट मजदूर मन ला देहे जात हे।कोरोना वायरस ले हम सबो मजदूर अउ हमर परिवार ला घलो खतरा हे,जेकर कारण हमन काम करे बर तैयार नइ हन। अगर हमन ला घलो ठेकेदार मन के द्वारा सुरक्षा देहे जाही ता हमन काम मे जाय बर तैयार हन। ता उंहे कंपनी प्रबंधन अउ ठेकादार मन के द्वारा उक्त मांग ला गंभीरता ले नइ लेहे जात हे जेकर ले आस-पास के मजदूर मन मा भारी नाराजगी देखे जात हे। साथ ही कंपनी प्रबंधन अउ ठेकादार मन के द्वारा काम मे आय बर मजदूर मन ला बाध्य करे जात हे, नहीं ते काम ले निकाल दिये जाए के चेतावनी देहे जात हे। प्रदर्शन ला देखत हुए खरोरा थाना प्रभारी रमेश मरकाम दल-बल के साथ मौका मा पहुंच के मजदूर मन ला खदेड़ के भीड़ ला शांत कराइस। संगे-संग नायब तहसीलदार तिल्दा नंदकिशोर सिन्हा हा घलो मौका मा पहुंच के लोगन मन ला शांत करा के लॉकडाउन के पालन करे के बात कहिस अउ अनावश्यक भीड़ इकट्ठा नइ करे के सलाह दिस। अउ कहिस कि कंपनी मा का सुरक्षा के जरूरत हे तेकर ले मँय परिचित हँव उंहा सबो सुविधा उपलब्ध हवय तुमन बेवजह के प्रदर्शन मत करव जेन ला काम मा जाना हे वोमन जा सकत हव अउ जेन ला नइ जाना हे ओमन मत जावव। तब कहीं जाके मामला शांत होइस।

"जो मजदूर अदानी(जीएमआर)कंपनी मा काम करथे,ओमन काम नइ करन कहिके इंहा इकट्ठा होय हे,जो धारा 144 के उल्लंघन हरे। जेमा कतिपय लोगन मन के द्वारा दुर्भावना वश ग्रुप बनाय जात हे,जेकर बर कार्यवाही करे जाही।"
-नंदकिशोर सिन्हा(नायब तहसीलदार तिल्दा)


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top