समयावधि के बाद भी खुलत हे दुकान, दिखत हे जागरूकता के अभाव, नई होवत हे कोनो कार्यवाही


 समयावधि के बाद भी खुलत हे दुकान, दिखत हे जागरूकता के अभाव, नई होवत हे कोनो कार्यवाही
  31/03/2020  


जांजगीर चांपा : कलेक्टर जनक प्रसाद पाठक के अध्यक्षता म 28 मार्च के कोर कमेटी के बैठक म कोरोना वायरस के संक्रमण ल रोकथाम बर निषेधाज्ञा लागू किये गए रहिस । ये निषेधाज्ञा के जिला के आसपास के गांव म होवत हे जम के उल्लंघन । कोरोना संक्रमण झन फैलय कइके निषेधाज्ञा दिए गए । एकर लिए जरूरी समान के दुकान मन ल  खोले के अनुमति एक निश्चित समयावधि म दिए गये हे । जबकि पास के ही गांव सुकली अउ पचेड़ा म ये निषेधाज्ञा के कोई असर नई दिखत हे ये गांव मन म सुबह 8-9 बजे ही दुकान खुल जाथे । जहां सामाजिक दूरी के पालन भी नई देखे जाथे । जेकर से ये पता चलत हे कि जिला मुख्यालय से लगे ग्रामीण अंचल म ही कोरोना ल लेके कोई जागरूकता नई हे । कभू भी कोई भी दुकान खुलत हे जबकि एकर बर समय अवधि निर्धारित हे । किराना, पेट्रोल पंप, डेयरी, सब्जी दुकान बर दोपहर 12 बजे ले शाम 6 बजे तक समय निर्धारित हे । प्रशासन के निर्देश के उल्लंघन करैया बर कड़ा  कार्यवाही के आदेश केवल कागजी लागत हे ये आदेश के नई हे कोनो ल परवाह ।


अऊ खबर

img not found

06/09/2020 अपराध

img not found

21/11/2019 धान

Top