शराब बेचे ले मना करना सरपंच प्रतिनिधि ल पड़ीस महंगा, 112 के ड्राईवर करिस मारपीट, शिकायत दर्ज


शराब बेचे ले मना करना सरपंच प्रतिनिधि ल पड़ीस महंगा, 112 के ड्राईवर करिस मारपीट, शिकायत दर्ज
  03/04/2020  


सूर्यप्रकाश सूर्यकांत के खबर

बिलासपुर ।। जिला के पचपेड़ी थाना अंतर्गत ग्राम बेल्हा म अभी कच्चा शराब के बिक्री जोरो म हे ग्रामीण धारा 144 के उलंघन करत नजर आवत हे बता देवन कि क्षेत्र म सबले चर्चित गांव बेल्हा हवय शराब के ज्यादा बिक्री के वजह ले गांव ल दारू बेल्हा के नाम ले जाने जाथे  तेजी ले बढ़त  ये काला गोरख धंधा समाज ल गलत राह म धकेलत हवय गांव के सरपंच हर शराब के विरुद्ध मुहिम छेड़ देये हवय अउ घर - घर जा के छान बिन शुरू कर दिहिस जब सरपंच प्रतिनिधि ल पता चलीस कि मोहित बावरे के घर म कच्चा शराब होये के जानकारी मिलीस जब सरपंच प्रतिनिधि अउ ग्रामीण मन मोहित बावरे के घर म शराब ल खोजे बर  पहुचीस जिन्हा सुरेश टंडन शराब लेके 5 लीटर गाड़ी के डिक्की म रखे रहिस जे  हर डायल 112 के ड्राइवर हे जेहर अभी वर्तमान म मस्तूरी थाना के डायल 112 म पदस्त हे गाँव के जम्मो मनखे ल देख के मोहित अउ सुरेश आक्रोशित हो गइस अउ सरपंच प्रतिनिधि के ऊपर हमला कर दिस हाथ अउ पैर म चोट आये हे घटना के पूरा जानकारी पचपेड़ी थाना म लिखित शिकायत कर दिये गये हे लेकिन अभी तक पुलिस विभाग कति ले कोई कार्यवाही नई करे गये हे पुलिस के सुस्त रवैया ले क्षेत्रवासी मनमा काफी नाराजगी देखे जावत हे


अऊ खबर

img not found

06/09/2020 अपराध

img not found

21/11/2019 धान

Top