नगर पंचायत नवागढ़ म लॉक डाउन अउ शासन के बनाये नियम बेअसर साबित होवत नजर आथे


नगर पंचायत नवागढ़ म लॉक डाउन अउ शासन के बनाये नियम बेअसर साबित होवत नजर आथे
  04/04/2020  


नवागढ़ ।। देश ही नई पुरा दुनिया कोरोना वायरस के महामारी ले परेशान हे आउ येला ध्यान म रख के ही पुरा देश म लॉक डाउन करे गये हे आउ धारा 144 घलो लागु किये गए हे । लोगन से सामाजिक दूरी घलो रखे बर कहे गये हे जेकर बर शासन प्रशासन सख्ती भी बरतत हे पर नगर पंचायत नवागढ़ म लॉक डाउन बेअसर साबित होवत नजर आथे । जेकर नजारा नगर पंचायत नवागढ़ के साप्ताहिक बाजार में देखे जा सकत हे जिहाँ लोगन म सामाजिक दूरी के पालन करत कहूँ नई दिखत हे । केवल अतके नही बाजार म पुलिसकर्मी मन के डयूटी घलो लगे पर ओमन मात्र मूकदर्शक लगत हे । स्थिति देखके ऐसे लगत हे कि यदि अइसने चलत रही त लॉक डाउन होय नई होय के कोनो मतलब नई रह जाये । यदि हमन बाजार ल छोड़के नगर ल भी देखी त चौक चौराहा म घलो शाम के बेर लोगन मन समुह बनाके बैठे नजर आथे । उहें आवश्यक सामग्री ल लेके शासन ह कुछ दुकान मन ल छुट दिए हे । लेकिन नवागढ़ म एकरो पालन होत नजर नई आथे । खासकर चिकन दुकान म जेन ह सुबह से ही खुले नजर आथे । सबले अहम बात ये हे कि नवागढ नगर पंचायत होये के साथ साथ ब्लाक अउ तहसील मुख्यालय भी ये,  एकर बावजुद ये परिस्थिति हे त आप अंदाजा लगा सकत ह कि आस पास के गांव म का स्थिति होही ।


अऊ खबर

img not found

06/09/2020 अपराध

img not found

21/11/2019 धान

Top