रक्षा सर्व एप ले होही होम क्वारंटाईन लोगन के निगरानी, घर ले 200 मीटर बाहिर जाते ही करही चौकन्ना


रक्षा सर्व एप ले होही होम क्वारंटाईन लोगन के निगरानी, घर ले 200 मीटर बाहिर जाते ही करही चौकन्ना
  05/04/2020  


राधा कृष्ण गोपाल के ख़बर

जांजगीर-चाम्पा : कोरोना ले लड़े बर जांजगीर-चाम्पा पुलिस करिस खास उपाय । अइसन एप बनवाईस 'रक्षा सर्व' जेकर ले होम क्वारणटाईन म रखे लोगन मन के पूरा जानकारी 24 घण्टा मिलत रही । क्वारन्टीन करे गए मनखे के घर ले बाहिर निकल के 200 मीटर बाहिर जाते ही एप के डेशबोर्ड म सन्देश मिल जाही अउ सम्बंधित थाना के पुलिस अलर्ट हो जाही, ये ऐप होम क्वारणटाईन म रखे लोगन के नज़र रखे खातिर बनाये गए हे । रक्षा सर्व एप ल बिलासपुर आई जी दीपांशु काबरा ह पूरा रेंज म लागू करे के बात कहे हे, राहत के बात ये हे के जांजगीर चाम्पा जिला म अभी तक कोरोना के एकोझन मरीज नई मिले हे ।
एस पी पारुल माथुर ह बताइस की ये रक्षा सर्व ऐप ल नोएडा के 'मॉब कोडर' ह केवल 3 दिन म बनाये हे एस पी पारुल माथुर ह बताइस कि होम क्वारणटाईन लोगन मन के मोबाइल म ये ऐप ल डाउनलोड कराके इंस्टाल किये जाथे । जिला म लगभग 6000 लोगन मन होम क्वारणटाईन म हे जेमन के निगरानी करे खातिर ये रक्षा सर्व एप ल बनवाये गए हे ।
एप ल जीपीएस ले जोड़े जाथे अउ एमा गूगल मैप काम करथे, एप म डिटेल डाले के बाद सेल्फी पोस्ट करना रथे अउ सबले खास बात ये कि होम क्वारणटाईन, अपन घर ले 200 मीटर बाहिर निकलते ही होम क्वारणटाईन के मैसेज पुलिस टीम ल मिल जाही । मोबाइल बन्द, जीपीएस बन्द होय समेत जम्मो बात के मैसेज पुलिस ल मिलही ।
एस पी पारुल माथुर के बताए मुताबिक जिला म 6 हजार ले ज्यादा लोगन मन होम क्वारणटाईन म हावे । एमन के निगरानी प्रशासन बर मुश्किल होवत रहिस, अइसन म रक्षा सर्व एप होम क्वारणटाईन लोगन मन के निगरानी म बहुत मदद करही अउ एप के मदद ले होम क्वारणटाईन मन के निगरानी बर पुलिस के सायबर टीम लगे हुए हे ।
एस पी पारुल माथुर ह बताइस कि होम क्वारणटाईन जम्प करे के 3 मामला पुलिस ह दर्ज करे हे जिला म एकोझन कोरोना के मरीज के नई मिलना राहत के खबर ये ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top