सामाजिक दूरी बनाए के नियम अउ धारा 144 के खुल के उड़त हे धज्जी


सामाजिक दूरी बनाए के नियम अउ धारा 144 के खुल के उड़त हे धज्जी
  07/04/2020  


 

जांजगीर चांपा : सामाजिक दूरी बनाए के नियम अउ धारा 144 के खुल के उड़त हे धज्जी,सोसायटी संचालन कर्ता नई करत हे कोनो नियम के पालन,लोगन घलो नई हे अपन सुरक्षा बर जागरूक,ये वाक्या जांजगीर-चाम्पा जिला के अकलतरा विकासखण्ड के ग्राम पंचायत तिलई के मामला ये जिहां कोरोना वायरस जइसन महामारी ले गांव वाला मन ल नई हे कोनो मतलब, sdo खाद्य अधिकारी ल मीडिया द्वारा खबर देहे के बाद भी उड़त हे लॉक डाउन के माखौल । अधिकारी भी नई देवत हे ध्यान । मौका म गांव म पुलिस तो दूर के बात यहां गांव के कोटवार तक नई रहिस । मीडिया आये के खबर सुन के सरपंच यादव जी आइस । अपन सफाई देहे के साथ साथ लोगन मन ल दिहिस समझाइस कि 1 मीटर के फासला अउ मास्क लगाए या गमछा लपेट के लाइन म आय के सुझाव दिहिस । लोगन मन ल कोरोना संक्रमण ले बचे बर लॉकडाउन के जम्मो नियम के पालन करे बर कहिस । ये कोरोना संक्रमण ले बचे बर जागरूकता आम लोगन ल घलो होना जरूरी हे कोरोना वायरस नामक संक्रमण कोनो ल बता के नई आय पर ककरो साथ म जरूर आ सकत हे एकर लिए भारत सरकार के बनाए नियम के पालन जरूरी हे ।


अऊ खबर

img not found

06/09/2020 अपराध

img not found

21/11/2019 धान

Top