तिल्दा-नेवरा: अवैध शराब बिक्री धड़ल्ले ले,ग्रामीण परेशान


तिल्दा-नेवरा: अवैध शराब बिक्री धड़ल्ले ले,ग्रामीण परेशान
  07/06/2020  


केशव पाल (तिल्दा-नेवरा):- ब्लॉक के ग्राम फरहदा मा कई बछर ले होवत अवैध शराब बिक्री ले ग्रामीण परेशान होगे हवय। शराब कोचिया मन के ऊपर कोनो भी प्रकार के कार्रवाई नइ होय ले येखर मन के हौसला अउ बुलंद होवत जात हे। जेखर ले गुस्साए ग्रामीण मन येखर लिखित शिकायत खरोरा थाना मा करिन हवय। अउ ठोस कार्रवाई के मांग करिन। बता दन कि गाँव फरहदा मा पाछू कई बछर ले अवैध शराब के बिक्री धड़ल्ले ले जारी हे,जेखर ले सांझ होवत ही गाँव के माहौल बिगड़े ला धर लेथे अउ अशांति के माहौल निर्मित होय ला धर लेथे। अउ अवइया-जवइया लोगन मन ला घलो अनेक समस्या के सामना करे ला पड़थे। अवैध शराब बिक्री मा लिप्त कोचिया मन ऊपर कोई कार्रवाई नइ होय ले नाराज ग्रामीण मन येखर लिखित शिकायत खरोरा थाना मा करिन अउ संगे-संग येखर एक प्रतिलिपि मुख्य पुलिस अधीक्षक,आबकारी विभाग अउ कलेक्टर ला घलो दे जाये के बात कहिन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top