ग्राम पंचायत द्वारा क्वारंटाइन सेंटर म रहत प्रवासी मजदूर मन के रखें जात हे खास ख्याल


ग्राम पंचायत द्वारा  क्वारंटाइन सेंटर म रहत प्रवासी मजदूर मन के रखें जात हे खास ख्याल
  13/06/2020  


रिपोर्टर-लिलेश्वर प्रसाद निषाद

 पलारी के ग्राम पंचायत मोहान के सरपंच द्वारा क्वारंटाइन सेंटर म रहत  प्रवासी मजदूर मन भूखे पियासे ‌झन रहै एकर खास ख्याल रखें जात हे। मजदूर मन के द्वारा पता चलीस  कि सरपंच के द्वारा सबो मजदूर मन के खान-पान ले लेके कोई  भी प्रकार के दिक्कत य परेशानी नई  हे, मजदूर मन के खास ध्यान छोटे लईका के ऊपर दिये जात  हे ,सरपंच स्वयं अपन हाथ म लेके छोटे लईका मन बर बिस्किट के प्रबंध स्वयं जाके करत हे ताकि छोटे लईका ल भूख के सामना करे बर झन पड़य अउ साथ म साबुन निरमा के भी वितरण करे जात हे। जेमा सबो  क्वारंटाइन सेंटर म समय बितात  मजदूर मन बार-बार हाथ धो सके जेकर ले कोरोनावायरस ले लड़े म मदद मिल सके ‌।अभी ग्राम पंचायत मोहान के  क्वारंटाइन सेंटर  म 19 मजदूर मन  हे , अउ मात्र दु प्रवासी मजदूर  बचे हे। जेकर नाम राम अवतार निषाद अउ हीर सिंह निषाद हे ,जे ह अभी बनारस म रुके  हे, सरपंच के  बता अनुसार बहुत जल्दी ही ओ दु मजदूर मन के  घर वापसी होही । सरपंच के बताए अनुसार  14 दिन क्वारंटाइन सेंटर स्कूल म बिताए के बाद अपन घर म जा के 14 दिन के अउ होम क्वारंटाइन  के अच्छा ले पालन करे जात  हे। क्वारंटाइन सेंटर के सबो प्रवासी मजदूर मन सरपंच के तहे दिल से धन्यवाद करीस हे।


अऊ खबर

img not found

06/09/2020 अपराध

img not found

21/11/2019 धान

Top