चीन सिमा विवाद म प्रदेश के एक जवान बेटा होईस शहीद


चीन सिमा विवाद म प्रदेश के एक जवान बेटा होईस शहीद
  17/06/2020  


भारत-चीन बार्डर म लद्दाख के गालवान घाटी म चलत विवाद म बस्तर के बेटा घलो शहीद होए गए हे। मंगलवार के रात भारतीय सेना के 20 जवान मन के शहिद होए के खभर आए रहिस जेमा प्रदेश के कांकेर निवासी गणेशराम कुंजाम के नाव घलो शामिल रहिस। महज 27 साल के गणेश राम के 1 महीने पहली ही भारत के गालवान घाटी म पोस्टिंग होए रहीस। बेहद ही गरीब परिवार के बेटा 12 वीं के पढ़ाई पूरा करे के बाद आर्मी ज्वाइन कर लेहे रहिस। जानकारी के मुताबिक सोमवार के रात होए हिंसक झड़प म गणेश राम बुरी तरह ले घायल हो गए रहिस, जेला इलाज बर अस्पताल म भर्ती कराए गए रहिस , जिहां मौत के पुष्टि करे गईस... 

परिवार वाले मन बताईन के सेना कति ले मंगलवार के फोन के माध्यम से गणेश राम के वीरगति ल प्राप्त करे के सुचना दिए गईस। सेना के अफसर मन जवान के चाचा तिहारूराम कुंजाम ल बताईस के कि गुरुवार के शाम तक शहीद जवान के पार्थिव शरीर पैतृक गांव लाए जाही।


अऊ खबर

img not found

06/09/2020 अपराध

img not found

21/11/2019 धान

Top