मदनवाड़ा नक्सली हमला म शहीद वीर जवान मन ल देहे गईस श्रद्धांजलि


मदनवाड़ा नक्सली हमला म शहीद वीर जवान मन ल देहे गईस श्रद्धांजलि
  12/07/2020  


लिलेश्वर प्रसाद निषाद

बलौदाबाजार :- मदनवाड़ा नक्सली हमला म शहीद जिला के वीर सेनानी मिथलेश कुमार साहू ल आज जिला प्रशासन के ओर ले श्रद्धांजलि दे गीस। ए दौरान अपर कलेक्टर जोगेंद्र नायक ह ऊकर मूर्ति म माल्यार्पण कर शहीद मन ल  श्रद्धांजलि देत हुए ऊकर बलिदान ल याद करीस। मिथलेश साहू सिमगा तहसील के अंतर्गत ग्राम नवापारा के निवासी रहीस जो आरक्षक के पोस्ट म राजनांदगांव के मदनवाड़ा थाना म पदस्थ रहीस। 12 जुलाई 2009 को राजनांदगांव जिला के मदनवाड़ा थाना के अंतर्गत कोरकोट्टी के जंगलों म नक्सलियों द्वारा बेहद दुर्भाग्यपूर्ण घटना ल अंजाम दे गीस । जेमा तत्कालीन राजनांदगांव जिला के पुलिस अधीक्षक श्री विनोद कुमार चौबे सहित कुल 33 पुलिस के जवान शहीद होए रहीस हे। ए  नक्सलियों के साथ मुठभेड़ म पहली गोली मिथलेश कुमार साहू   ल ही लगे रहीस हे। एकरे अदम्य साहस अउ वीरता बर ग्राम वासियों द्वारा प्रतिवर्ष आज के दिन श्रद्धांजलि दिवस के रूप म मनात हुए ओला याद करथे । ग्राम पंचायत के सरपंच अउ शहीद परिवार के सदस्य मन ह कलेक्टर के नाम अपर कलेक्टर ल ज्ञापन सौपते हुए कहीस कि हमर गाँव म मिथलेश कुमार साहू के नाम म एक मंगल भवन के माँग रखे गे हे। ऐमा  श्री नायक ह जल्द ही एकर बर जमीन आरक्षित कर गाँव म ही मंगल भवन बनाए बर  आवश्यक कार्यवाही करे के निर्देश सम्बंधित विभाग ल दिये गे हे। श्री नायक ह शहीद परिवार के घर जाके उकर परिवार के सदस्य मन ल मिल के उकर हाल चाल के बारे म जानकारी लिस।ऐ दौरान जिला पंचायत सदस्य अदिति बघमार सरपंच भुनेश्वर वर्मा  सिमगा एसडीएम डी आर रात्रे सहित अन्य जन प्रतिनिधी गण मन भी रहीस।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top