जांजगीर : जौन थाली म खाईन, उही म करीन छेद


जांजगीर : जौन थाली म खाईन, उही म करीन छेद
  13/07/2020  


जांजगीर-चाम्पा :
पुलिस विभाग ले मिले जानकारी मुताबिक प्रार्थी पवन अग्रवाल निवासी नैला ह चौकी नैला म उपस्थित होके रिपोर्ट दर्ज कराईस कि प्रार्थी के स्टेशन रोड नैला म अग्रवाल मशीनरी स्टोर्स के नाम से दुकान हावय। जेमा सामान निकाले अउ सामान दिखाये खातिर दुकान म कर्मचारी रखे हावय कि दुकान म बिक्री खातिर रखे पम्प अउ पटाखा के स्टॉक मिलान करे अउ चेक करिस त देखिस कि 1-1.5hp का 30-50 नग सबमर्सिबल पम्प, 5-6 मोनो ब्लॉक पम्प(0-5hp) अउ फटाका दुकान अउ गोदाम म कम मिलिस।  जेकर से प्रार्थी ल अपन कर्मचारी मन ऊपर संदेह होइस । प्रार्थी के रिपोर्ट म चौकी नैला म कर्मचारी मन के विरुद्ध धारा 381,34 भादवि के तहत अपराध पंजीबद्ध कर विवेचना म लिये गइस । अपराध के संबंध म चौकी प्रभारी नैला उनि ललित चंद्रा द्वारा वरिष्ठ अधिकारी मन ल अवगत कराये गइस । पुलिस अधीक्षक महोदया श्रीमती पारुल माथुर (भापुसे) के निर्देशन म अतिरिक्त पुलिस अधीक्षक श्रीमती मधुलिका सिंग अउ अनुविभागीय अधिकारी पुलिस श्री जितेंद्र चंद्राकर के कुशल मार्गदर्शन म नौकर मन ल तलब कर पूछताछ करे गइस । पुलिस टीम द्वारा 03 कर्मचारी मन से पूछताछ करे म आरोपी टूट गईन अउ अपन जुर्म कबूल कर लिहीन । आरोपी मन बताइन कि अग्रवाल मशीनरी स्टोर म काम करत जम्मो 5 आरोपी राजा राठौर, योगेश देवांगन, दिनेश चौहान, अमर दास अउ मणिशंकर कश्यप मिलके दुकान ले बारी बारी से पाछु कई दिन ले एक राय होके उक्त सामान मन के चोरी करत रहीन जो कि राजा राठौर सामान ल अनवर खान पिता चुबुक खान करा आउ योगेश देवांगन चोरी के सामान ल अमरजीत पिता दिलीप के घर सामान ल रखत रहिस। आरोपी के निशानदेही म ओमन के कब्जा ले 6 नग सबमर्सिबल पम्प, 3 मोनो ब्लॉक(टुल्लू पम्प) एक कार्टून कई प्रकार के फटाका जब्त कर लिहिस । आरोपी (1).राजा उर्फ प्रिंस राठौर पिता संतराम उम्र 21वर्ष (2). योगेश्वर देवांगन पिता संतोष उम्र 21वर्ष (3.) दिनेश चौहान पिता गोरे लाल उम्र 21 वर्ष (4.) अनवर खान पिता चुबुक खान 22 वर्ष (5.) अमरजीत विजय वार पिता दिलीप उम्र 20 वर्ष सभी निवासी नैला जांजगीर ल धारा 381,411,34 भादवि के तहत गिरफ्तार करे गईस । शेष आरोपी अमरदास महंत अउ मणिशंकर कश्यप फरार है जेमन ल जल्द ही गिरफ्तार कर लिये जाही । आरोपी मन ल माननीय न्यायालय के समक्ष पेश करिस जिहाँ ले ओमन ल जेल भेज दिये गइस ।उक्त कार्यवाही म चौकी प्रभारी नैला उनि ललित चंद्रा, प्रधान आरक्षक अश्वनी राठौर,भूषण राठौर अउ नैला चौकी स्टाफ के योगदान सराहनीय रहिस।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top