मोबाइल रिपेयरिंग दुकान म चोरी करैया 02 चोर गिरफ्तार


मोबाइल रिपेयरिंग दुकान म चोरी करैया 02 चोर गिरफ्तार
  14/07/2020  


राधाकृष्ण गोपाल

जांजगीर-चाम्पा : पुलिस विभाग ले मिले जानकारी मुताबिक प्रार्थी मनोज सूर्यवंशी निवासी वार्ड 4 नैला ह चौकी म आके रिपोर्ट दर्ज कराइस कि वो हर स्टेशन रोड नैला म मनोज मोबाइल रिपेयरिंग दुकान के संचालन करथे, कि दिनांक 13-14 जून 2020 के दरमियानी रात के कोई अज्ञात चोर दुकान के छप्पर म लगे टीना ल काटके दुकान म घुसके दुकान म रखे रिपेयरिंग खातिर आये अलग अलग कंपनी के पुराना मोबाइल अउ स्क्रीन ग्लास आदि सामान ल चोरी करके ले गइस अउ दुकान म रखे कंप्यूटर ल तोड़ दिये हे। प्रार्थी के रिपोर्ट म अपराध क्रमांक 277/20 धारा 457,380,427 भादवि के अपराध पंजीबद्ध कर विवेचना म लिये गये हे। विवेचना के दौरान खम्हरिया तालाब नैला के पास रहईया एक संदेही व्यास रोहिदास के ऊपर लगातार मुखबिर लगाये गइस कि आज दिनांक 14.7.20 के मुखबिर ले सूचना मिलिस कि व्यास रोहिदास मोबाइल बेचे बर ग्राहक खोजत हे। मुखबिर के सूचना म चौकी प्रभारी नैला कति ले वरिष्ठ अधिकारी मन ल अवगत कराये गइस। पुलिस अधीक्षक महोदया श्रीमती पारुल माथुर(भापुसे) के निर्देशन म अउ अतिरिक्त पुलिस अधीक्षक श्रीमती मधुलिका सिंह , अनुविभागीय अधिकारी पुलिस श्री जितेंद्र चंद्राकर के मार्गदर्शन म उक्त युवक ल पकड़के पूछताछ करे गइस जो कि पहली तो युवक द्वारा अपराध ले इंकार करे गइस पर कड़ाई से पूछताछ करे म वो टूट गइस अउ अपराध स्वीकार करिस अउ बताइस कि घटना दिनांक के रात म अपन दोस्त सूरज तिवारी के संग मनोज मोबाइल दुकान गइस अउ दुकान के पाछु ले छप्पर म चढीस अउ घर ले लेके आये प्लास ले टीना ल काटके दुकान म घुसीस ओकर बाद दुकान म रखे पुराना मोबाइल ल चोरी करिस आउ दुकान म रखे कंप्यूटर ल तोड़ दिहिस। आरोपी मन के निशानदेही म चोरी गए सैमसंग,  माइक्रोमैक्स, लावा, नोकिया, चाइना मोबाइल जो दुकान म सुधार बर आये रहिस ओला अउ मोबाइल ग्लास अउ चोरी म उपयोग प्लास ल गवाही मन के आघु म आरोपी मन के कब्जा ले जप्त करे गइस। , आरोपी व्यास रोहिदास पिता फागुन रोहिदास उम्र 19 बच्छर साकिन खम्हरिया तालाब के तीर, नैला , सूरज तिवारी पिता प्रमोद तिवारी उम्र 21 बच्छर साकिन वार्ड नम्बर 10 नगर पालिका के तीर 
जांजगीर ल धारा 457,380,427,34 भादवि के तहत गिरफ्तार किये गइस। जेला माननीय न्यायालय के सामने पेश करे गइस । जिहाँ ले ओमन ल न्यायिक रिमांड म जेल भेज दिये गइस। उक्त कार्यवाही म चौकी प्रभारी नैला उपनिरीक्षक ललित चंद्रा, महिला प्रधान आर0 प्रतिभा राठौर,आर0लक्ष्मीकांत कश्यप एवं स्टाफ के सराहनीय योगदान रहिस।


अऊ खबर

img not found

06/09/2020 अपराध

img not found

21/11/2019 धान

Top