बलौदाबाजार-भाटापारा के नगरीय क्षेत्रों म 22 ले 29 जुलाई तक दुकान मन ल बंध रखें के प्रस्ताव रखे हे अउ अति आवश्यक सेवा मनल छोड़ के तमाम आर्थिक गतिविधि रही ठप्प


बलौदाबाजार-भाटापारा के नगरीय क्षेत्रों म 22 ले 29 जुलाई तक दुकान मन ल बंध रखें के प्रस्ताव रखे हे  अउ अति आवश्यक सेवा मनल छोड़ के तमाम आर्थिक गतिविधि रही ठप्प
  19/07/2020  


लिलेश्वर प्रसाद निषाद

बलौदाबाजार :- जिला  के सबो 9 नगरीय निकाय क्षेत्र म 21 जुलाई के रात 12 बजें ले  के 29 जुलाई रात 12 बजें तक दुकान मन ल बंद रखे प्रस्तावित करे गे हे। कोरोना के बढ़हत संक्रमण ल देखत हुये एकर बचाव बर कलेक्टर एवं जिला दंडाधिकारी श्री सुनील कुमार जैन द्वारा ए आशय के आदेश जारी करे जाना प्रस्तावित हे। ए दौरान केवल अति अत्यावश्यक सेवा वाला प्रतिष्ठान मन ही खुलही । कलेक्टर एवं जिला दंडाधिकारी द्वारा जारी ए प्रतिबंधात्मक आदेश जिला के नगरीय क्षेत्र - बलौदाबाजार, भाटापारा, सिमगा, पलारी, लवन, कसडोल, टुण्ड्रा,बिलाईगढ़ अउ भटगांव के सीमा क्षेत्र म लागू होही । ए दौरान अत्यावश्यक सेवा मन ल  छोड़ के तमाम व्यवसायिक गतिविधियां ठप्प रही। अत्यावश्यक सेवा मन के अन्तर्गत मेडिकल ,राशन, दूध, फल एवं सब्जी एवं कृषि किटनाशक दुकान मन ल  प्रतिबंध ले छूट रही। ए दुकान मन ह एक निर्धारित समयावधि म ही खुला रख सकत हे। कलेक्टर ह पुलिस अउ कार्यपालिक दंडाधिकारी मन ल प्रतिबंधात्मक आदेश के कड़ाई ले पालन करे बर सुनिश्चित करे बर कहे हे। सोशल डिस्टेंसिंग बनाए रखे के प्रावधान मन म सबो ल कड़ाई ले पालन करना होही। बगैर मास्क के कोई भी भ्रमण नई करही। कलेक्टर ह पूर्व म जारी सबो प्रतिबंधात्मक आदेश मन ल  कड़ाई ले पालन करे के निर्देश दिये हे।


अऊ खबर

img not found

06/09/2020 अपराध

img not found

21/11/2019 धान

Top