निर्देश जारी बिलासपुर म अईसे रईही लॉकडाऊन रिटर्न, बिलासपुर म कईसे रहईया हे लॉकडाऊन, का रईही बंद अउ का रईही चालू


 निर्देश जारी बिलासपुर म अईसे रईही लॉकडाऊन रिटर्न, बिलासपुर म कईसे रहईया हे लॉकडाऊन, का रईही बंद अउ का रईही चालू
  20/07/2020  


रत्नेश यादव, बिलासपुर

बिलासपुर जिला म कोविड संक्रमण ल रोके बर लिए सामाजिक प्रशासनिक अउ व्यक्तिगत स्तर म सतर्कता आदेश जारी कर दिए गए हे। बिलासपुर जिला के नगर मन म 23/07/2020 बिहनिया 5 बजे ले 31/07/2020 तक लॉकडाऊन बर आदेश जारी कर दिए गए हे.

 आदेश म स्पष्ट करे गए हे कि राज्य सरकार के जम्मो कार्यालय ल बंद करे जात हे,अउ ज़िला अथवा डिवीजन स्तर के प्रमुख के कार्यालय खुले रईही, जिहां आम नागरिक मन ल प्रवेश के पूर्व अनुमति के आवश्यकक्ता रईही। ए सब म पुलिस थाना और चौकी ल घलो शामिल करे गए हे, यदि आम नागरिक ईहां प्रवेश करना चाहत हे त कार्यालय प्रमुख के अनुमति अनिवार्य होही।


शासकीय कर्मचारी जिहां वर्क फ्रॉम होम करही त वहीं बैंक ल लेके दिशानिर्देश घलो जारी करे गए हे जेमा बताए गए हे कि बैंक न्यूनतम अनिवार्य आवश्यकता तक ही कर्मचारी मन के उपयोग करय,कोनो भी स्थिति में बैंक के भीतर अधिकतम पाँच ग्राहक ले जादा प्रवेश नई करय एकर व्यवस्था सुनिश्चित हो। वहीं यह निर्देश जारी करे गए हे कि बैंक प्रबंधन कर्मचारी मन के बर सामूहिक आवागमन बर कोई वाहन व्यवस्था उपलब्ध नई करना हे।


नागरिक मन ते सुविधा बर उचित मुल्य के दुकान,आटा चक्की, ठेले म सब्ज़ी फल बिक्री करईया,स्थाई दुकान या कोनो स्थान म  फल सब्ज़ी दूध ब्रेड चिकन मटन मछली अंडा बिक्री करईया मन ल बिहनिया 6 बजे ले मझनिया 12 बजे तक अनुमति होही।


अख़बार बटईया हॉकर अउ घर घर दूध बाटईया मन ल बिहनिया साढ़े पाँच ले साढ़े नौ बजे तक के अनुमति होही।दूध बेचईया मन संझा 6 से 7 बजे तक घलो दूध के वितरम कर सकत हे ।
नागरिकों मन ल यथासंभव घर म ही रहना हे अउ अति अनिवार्य स्थिति म ही घर से बाहर निकलना हे, ए सब स्थिती म नागरिक मन ल मास्क पहिने के अउ सोशल डिस्टेंस के विशेष ध्यान रखना जरुरी होही।
 

 

 


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top