कंटेंनमेन्ट जोन म मजदूर मन से काम कराने वाला ऊपर अपराध दर्ज


कंटेंनमेन्ट जोन म मजदूर मन से काम कराने वाला ऊपर अपराध दर्ज
  23/07/2020  


राधाकृष्ण गोपाल

जांजगीर : मेन रोड नैला म कोविड 19 कोरोना वायरस संक्रमित मरीज मिले खातिर कलेक्टर एवं जिला दण्डाधिकारी महोदय जांजगीर द्वारा नेभनदास कपड़ा दुकान ले लेकर गणेश टाकीज मेन रोड नैला ल कंटेन्मेंट जोन घोषित करे गये हे कंटेन्मेंट एरिया म कोनो प्रकार के व्यापारिक प्रतिष्ठान खुले अउ लोगन ल अनावश्यक घर ले बाहर निकले अउ कोनो प्रकार के निर्माण काम प्रतिबंधित हावय। मेन रोड नैला निवासी विकास अग्रवाल पिता राजेंद्र अग्रवाल अपन घर के आघु बाहर ले आये मजदूर मन से काम करावत रहिस। जेकर सम्बंध म मुख्य नगरपालिका अधिकारी श्री मनोज सिंह के द्वारा विकास अग्रवाल करा पूछताछ किये गइस। जौन हर मजदूर मन के जानकारी छिपात मजदूर रंजीत राठौर अउ मोनू कुमार ल अपन घर के ही रहैया बताइस, बाहर के मजदूर ये येला नई बताइस अउ ओमन के पहचान छिपाये गइस। जेमा मुख्य नगर पालिका अधिकारी कति ले मौका म गवाही मन के आघु म पंचनामा तैयार किये गइस।विकास अग्रवाल कति ले अपन मजदूर मन के पहचान के सम्बंध म झूठा बयान दिये गइस जो कि नियम के उल्लंघन करत पाये गइस। ये प्रकार विकास अग्रवाल पिता राजेंद्र अग्रवाल निवासी मेन रोड नैला, रंजीत राठौर पिता रंगनाथ राठौर, मोनू राठौर पिता रंगनाथ राठौर साकिन सिवनी के द्वारा जानबूझ के कंटेन्मेंट एरिया म काम कराना उल्लंघन करत पाए जाये ले पुलिस अधीक्षक महोदया श्रीमती पारुल माथुर के निर्देशन म, अतिरिक्त पुलिस अधीक्षक श्रीमती मधुलिका सिंह अउ अनुविभागीय अधिकारी पुलिस जांजगीर श्री जितेंद्र चंद्राकर मार्गदर्शन म चौकी नैला म आरोपी मन के विरुद्ध अपराध धारा  188,269,34 भादवि महामारी अधिनियम 1897 के धारा 03 के तहत अपराध पंजीबद्ध कर विवेचना म लिये गये हावय।कार्यवाही समय चौकी प्रभारी नैला ललित चंद्रा अउ स्टाफ उपस्थित रहीन।


अऊ खबर

img not found

05/12/2019 this is test news22

img not found

21/11/2019 धान

Top