गौठान मन म गाय मन बर हरा चारा ल खिलाय बर सवा 3 सौ एकड़ म चारागाह के विकास


गौठान मन म गाय मन बर हरा चारा ल खिलाय बर सवा 3 सौ एकड़ म चारागाह के विकास
  23/07/2020  


लिलेश्वर प्रसाद निषाद

बलौदाबाजार :- जिला म नरवा, गरवा, घुरवा, बाड़ी योजना के अंतर्गत 49 चारागाह विकसित करे गे हे। ए चारागाहों म गाय मन  ल खिलाय बर लगभग सवा 3 सौ एकड़ क्षेत्र म चारा के बोआई करे गे हे। एमा नेपियर, मक्का अउ ज्वार जैसे पौष्टिक चारा वाला प्रमुख रूप ले हे।। चारा के बोआई लगभग 15 दिन हो चुके हे। अधिकांश चारागाह मन म फसल लहलहात हे। 
बलौदाबाजार जिला म राज्य सरकार के योजना नरवा, गरूवा, घुरवा, बाड़ी अंतर्गत जिला म प्रथम चरण म 92 गौठान एवं द्वितीय चरण म 227 गौठान स्वीकृत करे गे हे गौठान मन के साथ-साथ 167 चारागाह स्वीकृत करे गे हे। मुख्य कार्यपालन अधिकारी जिला पंचायत बलौदाबाजार डाॅ. फरीहा आॅलम सिद्धिकी के निर्देशन एवं डाॅ. सी. के. पाण्डेय उपसंचालक पशु चिकित्सा सेवायें जिला बलौदाबाजार भाटापारा के मागदर्शन म कुल 49 चारागाह मन म पशु चारा के रोपाई एवं बोवाई  करे गे हे। कुल 49 चारागाह मन के 42.75 एकड़ क्षेत्र म नेपियर अउ 44.7 एकड़ क्षेत्र म मक्का एवं 42.05 एकड़ क्षेत्र म ज़्वार के रोपण एवं बोवाई करे गे हे। आने वाला 30 ले 45 दिनों म सबो चारागाह मन म पशु मन बर  हरा चारा के उत्पादन प्रारंभ हो जाही। जेकर उपयोग गौठान प्रबंधन समिति के माध्यम ले गौठान म रखे गे पशु मन बर  करे जाही। जेमा पशु मन ल पौष्टिक हरा चारा प्राप्त होही अउ पशु मन के दुग्ध उत्पादन म वृद्धि के साथ-साथ प्रजनन क्षमता  म वृद्धि होही अउ उत्पादक वत्सों के जन्म होही। जेमा ग्रामीण मन के आर्थिक स्थिति म बढ़ोतरी होही, साथ-साथ गोबर उत्पादन ले भी आय अर्जित करे जा सकत हे। प्रत्येक गौठान म हरा चारा एवं पैरा ल काटे बर  हस्त एवं विद्युत चलित चाॅफ कटर के व्यवस्था करे जात हे, जेमा चारा अउ पैरा के पूरा उपयोग होही अउ बरबाद नई होए।


अऊ खबर

img not found

06/09/2020 अपराध

img not found

21/11/2019 धान

Top