जिला के रणवीरपुर म चलत हे खनिज के अवैध भंडारण के बड़े खेल। खनिज विभाग ल सूचना मिले के बाद भी नई होइस कोनो कार्यवाही


जिला के रणवीरपुर म चलत हे खनिज के अवैध भंडारण के बड़े खेल। खनिज विभाग ल सूचना मिले के बाद भी नई होइस कोनो कार्यवाही
  03/08/2020  


टिलेश सेन

कबीरधाम : आप मन ल बतादन की रेती, गिट्टी, मुरुम आदि खनिज पदार्थ के बिना लाइसेंस के भंडारण अउ व्यवसाय अवैध काम के श्रेणी म आथे। जेखर रोकथाम बर जिला म बाकायदा खनिज विभाग के अलग टीम बनाय गए हे। जेमा खनिज अधिकारी, खनिज इंस्पेक्टर अउ अन्य कर्मचारी ल कोनो भी अवैध खनन, अवैध परिवहन या अवैध भंडारण ऊपर तत्काल कार्यवाही करना रहिथे।
फेर लागथे कबीरधाम जिला के ये विभाग के प्रभारी अधिकारी अउ खनिज इंस्पेक्टर ल अपन कर्तव्य के ज्ञान नई हे या एमन कमजोर वर्ग ऊपर ही कर सकथे।
डुमरिया,रणवीरपुर अउ रणवीरपुर पेट्रोल के पास म 50 हाइवा ले ज्यादा रेती, 50 हाइवा ले ज्यादा गिट्टी अउ ओतके भारी मात्रा म मुरुम के अवैध भंडारण करे गए हे अउ बकायदा कई साल से इंहा अवैध व्यवसाय जारी हे । जेखर पहली मौखिक सूचना अउ 13 जुलाई 2020 के लिखित सूचना  मिले के 2 हफ्ता बाद भी कोई भी कार्यवाही  खनिज विभाग द्वारा नई करे गइस। जबकि ये अवैध भण्डारण करके एखर व्यवसाय करईया व्यक्ति के पास कोनो लाइसेंस या रॉयल्टी पर्ची उपलब्ध नई हे। पूरा जिला म छोटे मोटे अवैध खनन अउ भण्डारण ऊपर तो तत्काल कार्यवाही करे जाथे फेर विभाग ये सूचना ल लेके उदासीनता ह जिम्मेदार मन के कर्तव्य ऊपर प्रश्न चिन्ह भी खड़े करथे। फेर अब देखथन की ये समाचार के कतका प्रभाव विभाग ऊपर पड़थे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top