नवा शिक्षा नीति : प्रदेश कांग्रेस म मतभेद !


नवा शिक्षा नीति : प्रदेश कांग्रेस म मतभेद !
  04/08/2020  


रायपुर। केंद्र के नवा शिक्षा नीति ल लेके छत्तीसगढ़ कांग्रेस संगठन अऊ सरकार म असमंजस अऊ मतभेद के बनत दिखत हे। एक कति जिहां मुख्यमंत्री भूपेश बघेल नवा शिक्षा नीति के विरोध करत हे उंहे प्रदेश के वरिष्ठ मंत्री टीएस सिंहदेव ह शिक्षा नीति के समर्थन कर कई सवाल खड़े कर देहे हे । सिंहदेव के कहना हे कि कांग्रेस के घोषणा पत्र के वादा के अनुरूप बहुत सारा मुद्दा ल केंद्र सरकार ह नवा शिक्षा नीति म शामिल करे हे । प्रदेश कांग्रेस संगठन एला ले के असमंजस म हे अऊ अपन स्थिति स्पष्ट नई कर पात हे । नेता अलग-अलग बयान जारी करत हे।

सिंहदेव ह ट्वीट करके कहिस कि "जनता से चर्चा के बाद तैयार कांग्रेस के जनघोषणा पत्र के असर केंद्र सरकार के नवा शिक्षा नीति म दिखाई देवत हे । जेला देख के वास्तव म खुशी होअत हे "। राज्य सरकार ह भी पहली शिक्षा के अधिकार ल 12वीं तक बढ़ाए अऊ आंगनबाड़ी म प्री स्कूल के वकालत करे रहिस ।

मुख्यमंत्री भूपेश बघेल ह नवा शिक्षा नीति लागू होए के बाद कहे रहिस कि "शिक्षा ल केंद्रीकृत किया जाना उचित नई हे । संविधान के अनुसार शिक्षा समवर्ती सूची के विषय हे, जेन राज्य अऊ केंद्र के अपन-अपन नीति से संचालित होथे । मूलभूत शिक्षा म राज्य का प्रमुख योगदान होथे । अही वजह से हर राज्य म अपन अलग शिक्षा प्रणाली विकसित होए हे । शिक्षा बर नीति नियम बनाए के राज्य मन ल अभी स्वतंत्रता हे, लेकिन नवा नीति म पूरा व्यवस्था ल केंद्रीकृत करे के प्रयास होअत हे।" 


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top