भाजपा जिलाध्यक्ष : रायपुर भिलाई दुर्ग म फंसे हे पेंच


भाजपा जिलाध्यक्ष : रायपुर भिलाई दुर्ग म फंसे हे पेंच
  07/08/2020  


खेमेबाजी ले निकल चितपरिचित चेहरा ले अलग चेहरा ल मिलही कमान ?

रायपुर. प्रदेश भाजपा संगठन म बांचे जिला म जिलाध्यक्ष के नाम के अभी कुछ दिन अऊ अगोरा करे ल पड़ही प्रदेश के 8 जिला म नाम ल लेके संगठन के बीच माथापच्ची चलत हे जेकरे सेती प्रदेश के 8 जिला मन म अब तक नियुक्ति नई हो पाए हे सुत्र कि मानिन त रायपुर शहर दुर्ग अऊ भिलाई के नाम ही जद्दोजहद चलत हे ।नवा प्रदेशाध्यक्ष विष्णुदेव साय ह अब तक तीन जिला जशपुर, बस्तर अऊ कांकेर के अध्यक्ष घोषित कर देहे हे । जब ले नवा प्रदेशाध्यक्ष विष्णुदेव साय के नियुक्ति होए हे जिलाध्यक्ष मन के नाम ल लेके उठापटक के दौर जारी हे । जिहां के अध्यक्ष बचे हैं उहां प्रदेशाध्यक्ष लगातार डॉ. रमन सिंह, नेता प्रतिपक्ष धरमलाल कौशिक अऊ संगठन महामंत्री पवन साय के संग जिलाध्यक्ष मन के नाम तय करे म लगे हुए हे, , लेकिन जम्मों नेता मन के राय एकमत नई हो पात हे । अईसे कहे जात हे कि 15 अगस्त के आस-पास जम्मों बांचे जिला रायपुर शहर अऊ ग्रामीण, भिलाई, दुर्ग, कोरबा, सूरजपुर, बलरामपुर अऊ सरगुजा मन के अध्यक्ष तय कर देहे जाही । राजधानी रायपुर ल लेके उहां पोह के स्थिति बने हुए हे सुत्र के मानीन त इंहे ले डॉ. रमन सिंह के करीबी आरडीए के पूर्व अध्यक्ष भाजपा के प्रवक्ता संजय श्रीवास्तव के पहला नंबर म हे । एकर बाद एक अऊ नाम जयंती पटेल के आघू आवत हे । शहर के विधायक बृजमोहन अग्रवाल खेमा ले निगम के पूर्व नेता प्रतिपक्ष सुभाष तिवारी के नाम आगे करे गए हे । एकरे संगे संग कई अऊ नाम आघू आवत हे, सुत्र कि मानीन त संजय श्रीवास्तव अऊ जंयती पटेल म से ही एक के नाम फाइनल हो सकत हे  । भिलाई-दुर्ग ल लेके घलोक नाम उपर मान मुनव्वल के दौर चलत हे । बता दीन कि इहां मंडल अध्यक्षों के चुनाव के बेरा सांसद विजय बघेल अऊ भाजपा के राष्ट्रीय महासचिव सरोज पांडेय के बीच टकराव के स्थिति बन गए रहिस । अही ल देखत हुए इंहा अध्यक्ष के नाम म अतेक जल्दी मुहर लगना आसान नई दिखत हे । इन दूनो नेता के संगे संग पूर्व मंत्री प्रेमप्रकाश पांडेय अऊ विधायक विद्यारतन भसीन के सहमती घलोक बड़े मायने रखही । अईसन म सब ल एक राय कर नाम तय करना संगठन बर बड़का चुनौती बन का आघू आवत हे । अब देखना ए कि खेमाबाजी से निकलके भाजपा चित परिचित चेहरा ल ही जिम्मेंदारी देवत हे धन पाछू लाईन म लगे कार्यकर्ता मन से कोनो नवा नाम आघू आवत हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top