हर्षोल्लास के संग मनाय गइस कमरछठ तिहार,माता मन करिन संतान के लंबा उमर के कामना


हर्षोल्लास के संग मनाय गइस कमरछठ तिहार,माता मन करिन संतान के लंबा उमर के कामना
  09/08/2020  


केशव पाल तिल्दा-नेवरा। हलषष्ठी (कमरछठ) तिहार क्षेत्र सहित समूचा अंचल म आज बड़ आस्था अउ उत्साह के संग मनाय गइस। ये अवसर म माता मन सगरी बनाके पूजा-अर्चना कर संतान के दीर्घायु के कामना करिन। हालांकि कोरोना संक्रमण के चलत ये बछर बहुत जघा सार्वजनिक सगरी नइ बनाके माता मन घर म ही सगरी बनाके सादगीपूर्वक ये तिहार ल मनाइन। अउ अपन संतान के लंबा उमर अउ सुख-समृद्धि के कामना करिन। दिन भर निर्जला उपवास रहिके महिला मन संझा बेरा सगरी म पानी भरके गौरी-गणेश,भगवान भोलेनाथ के मूर्ति बनाके सगरी ल कलश ले सजाके चना,गेहूं,तिंवरा,राहेर,लाई के भोग लगाके हलषष्ठी माता के पूजा करिन अउ कथा सुनिन। वोकर बाद पसहर चाऊर ले बने भोजन म भैंस के दूध,दही मिलाके वोला ग्रहण कर व्रत ल तोड़िन। अउ अपन-अपन लइका मन के पीठ म पीला पोती मारके ओखर मन के सुख-समृद्धि अउ लंबा उमर के कामना करिन।


अऊ खबर

img not found

06/09/2020 अपराध

img not found

21/11/2019 धान

Top