गाँव म जगाए गईस मार्मिक चेतना


गाँव म जगाए गईस मार्मिक चेतना
  12/08/2020  


अमन पाण्डेय/बिलासपुर

जन्माष्टमी के उपलक्ष्य म मार्मिक चेतना मंच बिलासपुर द्वारा कोनी मेर स्थित ग्राम रमतला के सपेरा बस्ती के लोगन मन के बीच जन जागरण अभियान चलाए गईस, जेमा लईका मन ल अच्छा अउ बुरा स्पर्श के बारे म बताए गईस अउ एखर संगे-संग बुरा स्पर्श के खिलाफ कईसे आवाज उठाए अउ आत्मरक्षा बर तत्काल सरल तरीका बताए गईस अउ चाइल्ड हेल्पलाइन नंबर 1098 बारे म प्रचार प्रसार करे गईस अउ लैंगिक उत्पीड़न बाल विवाह पोस्को एक्ट के बारे म जन जागरूकता फैलाए गईस। मासिक धर्म के दौरान नोनी मन ल होए वाले स्वास्थ्य परेशानी ल दूर करे बर योग आसन बताए गईस, बेटी बचाओ बेटी पढ़ाओ अउ बेटा- बेटी एक बराबर के उद्देश्य ले अभिभावक मन ल समझाए गए हे, एखर संग लईका मन ल शिक्षा के प्रति प्रेरित करे के संगे-संग कोरोना महामारी ले बचाव के तरीक़ा घलो बताए गए हे। मार्मिक चेतना के अंकिता पाण्डेय बताईस कि गांव म आज भी लोगन के बीच जागरूकता के कमी हे, एखर संग गाँव म सेनेट्री पैड के घलो वितरण करे गईस अउ नेहा तिवारी के द्वारा महिला मन के मासिक धर्म के समय होए वाले परेशानी अउ उखर ले बचाव के संबंध म विस्तार ले बताए गईस, ए जागरूकता कार्यक्रम म नीरज गेमनानी, अनुभव शुक्ला, प्रकाश झा ,अजीता पाण्डेय, रमतला पूर्व सरपंच अंकुर सिंह ठाकुर के संग बड़े संख्या म लईका अउ  ग्रामीण मन मौजूद रहिन ।

 


अऊ खबर

img not found

06/09/2020 अपराध

img not found

21/11/2019 धान

Top