पोरा आज : सादगी के संग गाँव म ही महिला मन मनाही पोरा तिहार


पोरा आज : सादगी के संग गाँव म ही महिला मन मनाही पोरा तिहार
  18/08/2020  


केशव पाल / तिल्दा-नेवरा

 छत्तीसगढ़ के पारंपरिक तिहार पोरा क्षेत्र सहित समूचा अंचल म आज सादगी के संग मनाय जावत हे। कोरोना संक्रमण ल देखत हुए ये बछर पंचायत मन के द्वारा गांव-गांव म मुनादी कराके बहु-बेटी मन ल लेगे लाय बर मना कर दिये गए हे। जेकर कारण ये साल बहु-बेटी मन अपन-अपन मइके नइ जा पाये हे। इही कारण ये बछर वोमन अपन-अपन घर म ही तीजा-पोरा ल मनाही।
कोरोना संक्रमण के मद्देनजर एहतियात के तौर म पंचायत मन के द्वारा बैठक कर अपन स्तर म ये निर्णय करे गये हे कि ये बछर बहु-बेटी मन ल तीजा लेगना अउ लाना मना हे, बकायदा ये आदेश के कोटवार मन के द्वारा गांव-गांव म मुनादी घलो कराय गये हे। हालांकि तीजा-पोरा ल लेके शासन-प्रशासन के डहर ले कोनो भी प्रकार के अधिकृत आदेश जारी नइ होय हे। अउ न ही बहु-बेटी मन के आय-जाय म कोनो प्रकार के प्रतिबंध लगाय गए हे। पंचायत डहर ले बनाय ये नियम ल समर्थन तो मिलत हे मगर कई क्षेत्र के महिला मन येकर ले आक्रोशित घलो नजर आवत हे। क्षेत्र के महिला मन के कहना हे कि तीजा-पोरा बर कोई प्रशासनिक आदेश जारी नइ होय हे तभो ले पंचायत मन के द्वारा अइसन नियम बनाके बहु-बेटी मन ल आज-जाय बर रोकना गलत हे। हर साल ये दिन के वोमन ल बेसब्री ले इंतजार रहिथे अइसन म वोकर मन के ऊपर पहरा लगाना न्यायसंगत नोहय।


अऊ खबर

img not found

06/09/2020 अपराध

img not found

21/11/2019 धान

Top