शिक्षक अभ्यर्थी मन अब लड़ही सड़क के लड़ाई


शिक्षक अभ्यर्थी मन अब लड़ही सड़क के लड़ाई
  20/08/2020  


प्रकाश कुमार / रायपुर

प्रदेश के भूपेश बघेल सरकार सत्ता म आए ले पहिली शिक्षक मन के भर्ती के वादा करे रहिस. चुनाव जीते के बाद ये वादा ल पूरा करे बर सबले पहिली 26 जनवरी 2019 के ये घोषणा करिस कि प्रदेश म लगभग 15000 नियमित शिक्षक मन के भर्ती करे जाही. एखर बाद 9 मार्च 2019 के शिक्षक भर्ती बर नोटिफिकेशन जारी होईस जेखर अनुसार 14580 शिक्षक मन के भर्ती करे जाना रहिस. जुलाई अउ अगस्त 2019 म शिक्षक भर्ती के विभिन्न वर्ग के परीक्षा होईस अउ ओखर दू महिना के बाद नवंबर ले दस्तावेज सत्यापन शुरु होईस. दस्तावेज सत्यापन होए 8 - 9 महिना होगे फेर अभी तक शिक्षक भर्ती पूर्ण नइ हो सकिस. भर्ती ल पूर्ण कराए बर अभ्यर्थी मन कई पइत शिक्षा विभाग के संचालक, सचिव, विधायक, मंत्री, कलेक्टर, डीईओ, बीईओ अउ यहाँ तक कि शिक्षा मंत्री ल ज्ञापन सउप चुकिन अउ सोशल मीडिया के माध्यम ले मुख्यमंत्री तक अपन बात ल पहुँचाईन फेर अब तक कोई कार्यवाई नई करे गईस. सरकार हर बार कोरोना के बहाना बनाके टालत गईस. जब news36 के टीम शिक्षा विभाग के विभिन्न संभागीय कार्यालय म एखर जायजा लिहिस त पता चलिस कि पूरा प्रक्रिया पूर्ण कर लिए गए हे, बस सरकार कति ले आदेश के इंतजार हे. बड़े बात ए हे कि सरकार कोरोना के आड़ म भर्ती प्रक्रिया ल रोक के बेरोजगार मन ल मानसिक रूप ले प्रतााड़ित करत हे फेर दुसर कति किसान मन बर पूरा खजाना खोल देहे हे. राजिव किसान न्याय योजना के तहत 5700 करोड़ के राशि किसान मन के खाता म डाले जाही. गौरतलब होए कि शिक्षाकर्मी मन के संविलियन बर सरकार के द्वारा आदेश जारी कर कहे गए हे कि 1 नवंबर 2020 ले जम्मो शिक्षाकर्मी मन के संविलियन कर लिए जाही फेर शिक्षक भर्ती बर कोनो तिथि घोषित नइ करे जावत हे. अभ्यर्थी मन के कहना हे कि सरकार जब न्युक्ति देही तब ओला आर्थिक भार पड़ही लेकिन प्रक्रिया ल पूरा करे म कोन सा आर्थिक संकट हे. सरकार कति ले पात्र अपात्र के सूची भी जारी नइ करे जावत हे जेखर ले जम्मो शिक्षक अभ्यर्थी मन के धैर्य अब जवाब देहे लगे हे. एही ल देखत हुए अब 22 अगस्त 2020 दिन शनिवार के सड़क के लड़ाई लड़े बर सब झन कमर कस लिए हे. रायपुर पहुँच के सीएम निवास के घेराव के रणनीति बनाए जावत हे.


अऊ खबर

img not found

06/09/2020 अपराध

img not found

21/11/2019 धान

Top